Today Petrol Diesel Rates : पेट्रोलियम कंपन्यांकडून इंधनाचे नवे दर जारी; जाणून घ्या आपल्या शहरातील पेट्रोल, डिझेलचे भाव

मुंबई : पेट्रोलियम कंपन्यांकडून इंधनाचे नवे दर जारी करण्यात आले आहेत. आज जारी करण्यात आलेल्या नव्या दरानुसार इंधनाचे दर स्थिर आहेत. पेट्रोल (Petrol), डिझेलच्या (Diesel) दरात कोणताही बदल करण्यात आलेला नाही. गेल्य तीन महिन्यांपासून देशासह राज्यात पेट्रोल, डिझेलचे दर (Petrol Rate) स्थिर आहेत. 21 मे रोजी केंद्राने पेट्रोल आणि डिझेलवरील एक्साईज ड्यूटी कमी करण्याचा निर्णय घेतला होता. त्यानंतर 22 मे रोजी पेट्रोलच्या दरात प्रति लिटर साडेनऊ रुपयांची तर डिझेलच्या दरात प्रति लिटर सहा रुपयांची कपात झाली. तेव्हापासून देशात पेट्रोल, डिझेलचे दर स्थिर आहेत. देशात एकीकडे पेट्रोल, डिझेलचे दर स्थिर आहेत, मात्र दुसरीकडे इतर इंधन एलपीजी, सीएनजी, पीएनजी, जेट फ्यूल यांच्या दरात वाढ सुरूच असल्याचे पहायला मिळत आहे. कच्च्या तेलाच्या किमतीत सातत्याने चढ-उतार सुरू आहे. मात्र देशात पेट्रोल, डिझेलचे दर स्थिर ठेवण्यात आल्याने त्याचा फटका कमी अधिक प्रमाणात पेट्रोलियम कंपन्यांना बसत आहे.

देशाच्या प्रमुख महानगरातील भाव

पेट्रोलियम कंपन्यांकडून जारी करण्यात आलेल्या नव्या दरानुसार आज राजधानी दिल्लीमध्ये पेट्रोलचा भाव प्रति लिटर 96.72 रुपये एवढा आहे. तर डिझेलचा दर प्रति लिटर 89.62 रुपये इतका आहे. आर्थिक राजधानी मुंबईमध्ये पेट्रोलचा दर प्रति लिटर 106.10 तर डिझेलचा दर प्रति 94.28 रुपये इतका आहे. कोलकातामध्ये पेट्रोल, डिझेलचा दर अनुक्रमके प्रति लिटर 106.03 आणि 92.76 रुपये एवढा आहे. चेन्नईमध्ये पेट्रोलचा दर प्रति लिटर 102.63 तर डिझेलचा दर प्रति लिटर 94.24 रुपये एवढा आहे. प्रमुख महानगरातील पेट्रोल, डिझेलच्या दराची तुलना केल्यास सर्वत स्वस्त पेट्रोल, डिझेल दिल्लीमध्ये तर सर्वात महाग पेट्रोल, डिझेल हे मुंबईमध्ये मिळत आहे.

राज्याच्या प्रमुख शहरातील दर

दररोज जारी होतात नवे दर

पेट्रोल, डिझेलचे दर हे कच्च्या तेलाच्या किमतीवर अवलंबून असतात. कच्च्या तेलाचे दर वाढल्यास पेट्रोल, डिझेलचे दर देखील वाढतात. कच्च्या तेलाचे दर कमी झाल्यास पेट्रोल, डिझेलचे दर कमी होतात. त्यामुळे पेट्रोलियम कंपन्यांकडून दररोज इंधनाचे नवे दर जारी केले जातात. देशात गेल्या तीन महिन्यांपासून पेट्रोल, डिझेलचे दर स्थिर आहेत.