त्वरा करा..! यूनियन अ‍ॅक्टिव्ह मोमेंटम फंडात गुंतवणुकीसाठी उरले शेवटचे काही दिवस, जाणून घ्या सर्वकाही

युनियन म्युच्युअल फंडाने अलीकडेच फॅक्टर आधारित गुंतवणुकीचा पर्याय सुरु केला आहे. या आधारे भविष्यात गती दर्शविण्याऱ्या स्टॉक्समध्ये गुंतवणूक करण्याचा मानस आहे. अर्थात याचा फायदा गुंतवणूकदारांना होणार आहे. एनएफओ म्हणजेच न्यू फंड ऑफर..म्युच्युअल फंड हाऊसेस त्यांच्या ऑफर आकर्षक बनवण्यासाठी नवीन योजना आणत असतात. त्याचाच एक भाग म्हणून या एनएफओकडे पाहीलं जात आहे. याच थीमच्या आधारे युनियन म्युच्युअल फंडाने ‘युनियन ॲक्टिव्ह मोमेंटम फंड’ अर्थात ओपन-एंडेड इक्विटी योजना सुरू केली आहे. गुंतवणूकदारांना भविष्यात चांगला परतावा मिळावा या उद्देशाने सक्रीय शेअरमध्ये गुंतवणूक केली जाणार आहे. हा एनएफओ 28 नोव्हेंबरपासून सबस्क्रिप्शनसाठी सुरु झाला होता. 12 डिसेंबरपर्यंत या योजनेत गुंतवणूक करण्याची शेवटची संधी आहे. 15 दिवासांचा कालावधी पूर्ण झाल्यानंतर एनएफओ सबस्क्रिप्शन बंद होईल. योजनेत गुंतवणूक केल्यानंतर आणि वाटप झाल्यानंतर स्टॉक्स मार्केटमध्ये पाच व्यावसायिक दिवसांच्या आत विक्री आणि पुनर्खरेदीसाठी सुरु होईल. दुसरीकडे, युनिट्सच्या वाटपाच्या तारखेपासून एक वर्षाच्या आता एनएफओ रिडीम केले किंवा स्विच आउट केल्यास 1 टक्का एक्झिट लोड लागू होईल. वाटपाच्या तारखेपासून एक वर्षानंतर रिडीम केल्यास किंवा स्विच आउट केल्यास एक्झिट लोड शून्य असेल.

यूनियन अ‍ॅक्टिव्ह मोमंटम फंडामार्फत मार्केटमधील सर्वच शेअर्सचा विचार केला जाणार आहे. मोमेंटम स्टॉक्स असे असतात जे तुलनेने उच्च किंमतीची गती दर्शवतात. या आधारावर ज्या स्टॉक्सने इतर स्टॉक्सच्या तुलनेत भूतकाळात चांगली कामगिरी केली आहे आणि भविष्यात चांगली कामगिरी करेल अशा स्टॉक्सची गुंतवणुकीसाठी निवड केली जाईल. तसेच काही स्टॉक्सने तुलनेने खराब कामगिरी केली तर त्याच्याऐवजी दुसऱ्या स्टॉक्सचा पर्याय निवडला जाईल. गौरव चोप्रा, को-फंड मॅनेजर यांनी सांगितलं की, ‘गुंतवणूकदाराचं भावना लक्षात घेऊन या फंडची रचना करण्यात आली आहे. मोमेंटम इन्वेस्टिंग हा नियमावर आधारित असतो. ज्या स्टॉक्समध्ये प्रगती दिसणार आहे असे विकत घेतले जातील आणि ज्या स्टॉक्समध्ये उतरता आलेख असेल तेव्हा विकले जातील.’

इक्विटीचे प्रमुख संजय बेंबळकर म्हणाले, “गुंतवणूकदार कसे वागतात यावरून त्याची गती ठरते. माहिती, स्टॉकच्या किमती वाढवणे आणि गती निर्माण करणे किंवा त्या उलटही घडतं.” दुसरीकडे, मधु नायर, सीईओ, युनियन एएमसी यांनी सांगितलं की “युनियन ॲक्टिव्ह मोमेंटम फंड हा आमचा शुभारंभ आहे. आम्ही या श्रेणीवर उत्साही आहोत आणि ॲक्टिव्ह मोमेंटम सारख्या स्मार्ट बीटा रणनितीसह भारतीय शेअर बाजारात मोठी भूमिका निभावेल असा विश्वास आहे.”

डिस्क्लेमर : म्युच्युअल फंड गुंतवणूक ही बाजारातील जोखमीच्या अधीन असते, सर्व योजना संबंधित कागदपत्रे काळजीपूर्वक वाचा