NABARD Admit Card 2021: नाबार्डकडून सहायक व्यवस्थापक आणि मॅनेजर परीक्षेचं प्रवेशपत्र जारी, डाऊनलोड कसं करायचं?
नॅशनल बँक फॉर अॅग्रीकल्चर अँड रुरल डेव्हलपमेंट (National Bank for Agriculture & Rural Development, NABARD) कडून सहायक व्यवस्थापक आणि मॅनेजर पूर्व परीक्षेचे प्रवेशपत्र जारी केलं आहे
NABARD Admit Card 2021 नवी दिल्लीः नॅशनल बँक फॉर अॅग्रीकल्चर अँड रुरल डेव्हलपमेंट (National Bank for Agriculture & Rural Development, NABARD) कडून सहायक व्यवस्थापक आणि मॅनेजर पूर्व परीक्षेचे प्रवेशपत्र जारी केलं आहे. ग्रेड ए मधील सहायक व्यवस्थापक आणि ग्रेड बमधील व्यवस्थापक या पदांवर नाबार्डमध्ये भरती प्रक्रिया सुरु आहे. प्रवेशपत्र डाऊनलोड करण्याचा अंतिम दिनांक 18 सप्टेंबर आहे. ज्या उमेदवारांनी अर्ज दाखल केले होते ते अधिकृत वेबसाईट nabard.org वर भेट देऊन प्रवेशपत्र डाऊनलोड करु शकतात.
नाबार्ड सहाय्यक व्यवस्थापक ग्रेाड ए परीक्षा 18 सप्टेंबर तर नाबार्ड व्यवस्थापक ग्रेड बी परीक्षा 17 सप्टेंबर रोजी होणार आहे. नाबार्डच्या वेबसाईटवरुन प्रवेश पत्र डाऊनलोड करुन घ्यावेत, असं आवाहन करण्यात आलंय.
NABARD Admit Card 2021 डाऊनलोड कसं करायचं?
स्टेप 1: प्रथम नाबार्डच्या nabard.org या वेबसाईटला भेट द्या स्टेप 2: त्यानंतर होमपेजवरील करिअरवर क्लिक करा स्टेप 3: पुढे कॉल लेटर फॉर प्रीलिमनरी एक्झाम फॉर असिस्टंट मॅनेजर अँड मॅनेजर ग्रेड बी वर क्लिक करा स्टेप 4: नोंदणी क्रमांक आणि पासवर्ड नोंदवून लॉगीन करा स्टेप 5:नाबार्ड अॅडमिट कार्ड डाऊनलोड होईल, प्रिंट काढून सोबत ठेवा
रिक्त जागांचा तपशील
सहाय्यक व्यवस्थापक श्रेणी अ (ग्रामीण विकास बँकिंग सेवा) – 148 पदे सहाय्यक व्यवस्थापक ग्रेड ए (राजभाषा सेवा) – 5 पदे सहाय्यक व्यवस्थापक ग्रेड ए (प्रोटोकॉल आणि सुरक्षा सेवा) – 2 पदे व्यवस्थापक ग्रेड बी (ग्रामीण विकास बँकिंग सेवा) – 7 पदे
निवड प्रक्रिया
पूर्व परीक्षेत यशस्वी झालेल्या उमेदवारांना मुख्य परीक्षेला सामोर जावं लागेल. पूर्व परीक्षेत अर्थशास्त्र, समाजशास्त्र, ग्रामीण भारत, शेती, ग्रामविकास इत्यादीवर प्रश्न विचारले जातील. पूर्व परीक्षेतील उत्तीर्ण विद्यार्थ्यांना मुख्य परीक्षा द्यावी लागेल. मुख्य परीक्षा झाल्यानंतर मुलाखती होतील. त्यानंतर निवड झालेल्या उमेदवारांची यादी जाहीर होईल. उमदेवारांनी अधिक माहितीसाठी नाबार्डच्या वेबसाईटला भेट द्यावी, असं आवाहन करण्यात आलं आहे.
संबंधित बातम्या
अनिल देशमुख यांच्या वकिलाला सीबीआयची अटक, तपासावर परिणाम करण्याचा प्रयत्न केल्याचा आरोप
चंद्रकांत पाटील ठाकरेंना म्हणाले, खंजीर खुपसला, आता संजय राऊतांनी ‘बंद खोलीतील’ चर्चा बाहेर काढली!
Gold Price Today: सलग चौथ्या दिवशी सोन्याचे भाव घसरले, पटापट तपासा
NABARD Admit Card 2021 released for posts of Assistant Managers and Managers in NABARD
