AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

स्वत:च्याच मुलांना रागावताना करावा लागेल 10 वेळा विचार; आई ओरडल्याने चिडलेल्या लेकीने थेट ट्रेनसमोर…

आजकाल मुलांना ओरडण्यापूर्वी 10 वेळा विचार करावा लागेल अशी परिस्थिती निर्माण झाली आहे. कारण छोट्याशा मुद्यावरूनही मुलं डोक्यात राग घालून घेतात आणि अशी एखादी , नको ती कृती करतात, ज्यामुळे एक क्षणात होत्याचं नव्हतं होऊ शकतं.

स्वत:च्याच मुलांना रागावताना करावा लागेल 10 वेळा विचार; आई ओरडल्याने चिडलेल्या लेकीने थेट ट्रेनसमोर...
| Updated on: Dec 11, 2023 | 12:43 PM
Share

मथुरा | 11 डिसेंबर 2023 : मुलांना शिस्त लागावी, वाईट सवयी लागू नयेत, त्यांचं आयुष्य चांगलं घडावं यासाठी आई-वडील त्यांना कधीकधी ओरडतात. त्यात काही गैर नाही. गेल्या कित्येक पिढ्यांपासून हे सुरू आहे. मात्र आजकाल मुलांना ओरडण्यापूर्वी 10 वेळा विचार करावा लागेल अशी परिस्थिती निर्माण झाली आहे. कारण छोट्याशा मुद्यावरूनही मुलं डोक्यात राग घालून घेतात आणि अशी एखादी , नको ती कृती करतात, ज्यामुळे एका क्षणात होत्याचं नव्हतं होऊ शकतं.

आई ओरडली म्हणून रागावलेल्या मुलीने टोकाचं पाऊल उचलल्याची अशीच एक धक्कादायक घटना उत्तर प्रदेशमध्ये घडली. मथुरा येथे ही दुर्दैवी घटना घडली असून अवघ्या 13 वर्षांच्या लेकीने रेल्वे रुळावर जाऊन ट्रेन समोर उडी मारून स्वत:चं अनमोल आयुष्य एका क्षणात संपवून टाकलं.

शाळेत जायला नकार दिला म्हणून आई रागावली, पण…

पोलिसांकडून मिळालेल्या माहितीनुसार, मथुरा येथे राहणारी ही 13 वर्षांची मुलगी शाळेत जाण्यास तयार नव्हती. त्याच मुद्यावरून तिचं आईशी भांडण झालं. काहीही झालं तरी शाळा बुडवायची नाही, ऊठ आणि सरळ शाळेत जा, असं सांगत तिची आई तिला ओरडली, एखाद-दुसरा धपाटाही तिने लेकीला घातला.

पण या सगळ्याचा त्या मुलीला प्रचंड राग आला. आई आपल्या चांगल्यासाठी सांगत्ये, हे लक्षात न घेताच त्या मुलीने राग डोक्यात घालून घेतला आणि ती घराबाहेर पडली. पण घरातून निघाल्यावर ती शाळेत गेलीच नाही. उलट संतापाच्या भरात ती अलवार- मथुरा रेल्वे ट्रॅकजवळ पोहोचली आणि समोरून येणाऱ्या ट्रेनखाली तिने स्वत:ला झोकून दिलं.

या संपूर्ण घटनेने मथुरा शहरात एकच खळबळ उडाली. अवघ्या 13 वर्षांच्या मुलीने घेतलेल्या या टोकाच्या निर्णयामुळे सगळेच मुळापासून हादरले. तिच्या घरच्यांची अवस्था तर अतिशय बिकट झाली. आपण ओरडलो म्हणून मुलीने थेट आयुष्यच संपवलं, हे ऐकून तिच्या आईच्या पायाखालची जमीनच सरकली. पोलिस याप्रकरणी अधिक तपास करत आहेत.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी