घराबाहेर खेळत होती चिमुरडी, माथेफिरुने केले असे काही; वाचा काळजाचा थरकाप उडवणारी घटना

इंदूर : मध्य प्रदेशातील इंदूर शहरात काळीज पिळवटून टाकणारी घटना उघडकीस आली आहे. घराबाहेर खेळत असलेल्या 7 वर्षाच्या चिमुरडीची एका माथेफिरुने निर्घृण हत्या (Murder) केल्याची खळबळजनक घटना उघडकीस आली आहे. आरोपी (Accuse) आणि पीडित मुलगी शेजारी आहेत. याप्रकरणी पोलिसांनी आरोपीला अटक (Arrest) केली आहे. सद्दाम असे सदर माथेफिरु आरोपीचे नाव आहे.

आरोपीने जबरदस्तीने पळवून नेले

इंदूरच्या गणेश चौक परिसरात ही धक्कादायक घटना घडली आहे. पीडित मुलगी घराबाहेर खेळत होती. यावेळी तिची आजीही तिच्या सोबत होती. यावेळी आरोपी अचानक तेथे आला आणि त्याने मुलीला बळजबरीने खेचून नेण्याचा प्रयत्न केला.

यावेळी मुलीच्या आजीने धावत येऊन त्याला विरोध केला. मात्र आरोपीने आजीला मारहाण केली. यानंतर आरोपी मुलीला आपल्या घरी घेऊन गेला आणि तिच्यावर जीवघेणा हल्ला केला. या हल्ल्यात मुलीचा जागीच मृत्यू झाला.

आरोपी मानसिक रुग्ण असल्याची माहिती

सद्दाम हा मानसिक रुग्ण असल्याचे बोलले जात आहे. मात्र पोलिसांनी अद्याप याला दुजोरा दिला नाही. पोलीस याप्रकरणी अधिक तपास करत आहेत. आरोपीने कोणत्या कारणातून हे कृत्य केले याबाबत पोलीस तपासाअंतीच स्पष्ट होईल.

मुलीच्या आईचे दहा वर्षांपूर्वी झाले निधन

पीडित मुलीच्या आईचे दहा महिन्यांपूर्वी निधन झाले होते. यानंतर मुलगी आपल्या आजी आजोबांकडे राहत होती. नेहमीप्रमाणे दुपारी 12 च्या सुमारास ती घराबाहेर खेळत होती.

आरोपीने मुलीला पळवून नेले. त्यानंतर काही वेळाने तो बाहेर आला तेव्हा त्याच्या अंगावर रक्त दिसले. आजीसह शेजाऱ्यांनी धावत जाऊन पाहिले असता मुलगी जखमी अवस्थेत आढळली. लोकांनी तिला तात्काळ रुग्णालयात नेले. मात्र डॉक्टरांनी तिला मृत घोषित केले.