UP: प्रेयसीसह पळून गेलेल्या मुलाला मुलीच्या आई-वडिलांनी घरी बोलावलं, नंतर संपुर्ण परिसर हादरला

उत्तर प्रदेश : राज्यात क्राईमच्या (Crime News) रोज नव्या घटना उजेडात येत असतात. मेरठच्या (Merath)मवानामध्ये घडलेल्या घटनेमुळे संपुर्ण परिसर हादरून गेला आहे. दोन दिवसापुर्वी प्रेयसीसह तरुण पळून गेला होता. मुलीच्या घरच्यांनी त्याच्याविरुद्ध पोलिस स्टेशनमध्ये (UP police) तक्रार दाखल केली होती. त्यानंतर समजवण्याच्या बहाण्याने त्याला घरी बोलावण्यातं आलं. समजवत असताना मुलीच्या घरच्यांनी कोल्ड्रिंक पाजून मुलाला संपवले.

कोल्ड्रिंकमधून मुलीच्या घरच्यांनी मुलाला विष पाजलं. त्याचबरोबर त्याची प्रकृती ज्यावेळी अति बिघडली त्यावेळी त्याला जवळच्या रुग्णालयात दाखल केले असा आरोप मुलाच्या कुटुंबियांनी केला आहे.

मोहल्ला कल्याण सिंह निवासी शाकिब पळून गेलेल्या मुलाचं नाव आहे. दोन दिवसापूर्वी तो त्यांच्या परिसरातील प्रेयसीला घेऊन फरार झाला होता. त्यानंतर मुलीच्या घरच्यांनी पोलिस स्टेशनमध्ये तक्रार दाखल केली होती. मुलीच्या घरच्यांनी मुलाला विविध आश्वासने देऊन घरी बोलावलं.

ज्यावेळी तो मुलगा प्रेयसीला घेऊन घरी आला, त्यावेळी त्याला मुलीच्या घरच्यांनी कोल्ड्रिंक प्यायला दिलं. त्यामध्ये विष टाकण्यात आलं होतं. त्यानंतर त्या मुलाला मेरठच्या अर्जुन हॉस्पीटलमध्ये दाखल करण्यात आलं होतं. रात्री उशिरा त्या तरुणाचा मृत्यू झाला.

पोलिसांनी हे प्रकरण गांभीर्याने घेतलं असून कसून चौकशी होणार असल्याचे स्पष्ट केले आहे.