बांगलादेशी महिलेवर बलात्कार केल्याप्रकरणी एकाला अटक, आरोपी पोलिसांवर हल्ला करून पळण्याच्या प्रयत्नात

नवी दिल्लीः बंगळुरूमध्ये बांगलादेशी महिलेवर झालेल्या सामूहिक बलात्कार आणि अत्याचाराच्या प्रकरणात पोलिसांनी कारवाई करत आरोपीवर बुधवारी गोळीबार केला आणि त्याला जखमी केले. त्याला पकडण्यासाठी गेलेल्या पोलीस पथकावर हल्ला करून आरोपींनी तेथून पळून जाण्याचा प्रयत्न केला होता. त्याच्या काही दिवसांपूर्वी त्याच्या दोन साथीदारांनीही पळून जाण्याचा प्रयत्न केला होता, त्यानंतर पोलिसांनी त्यांच्यावर गोळीबार केला, ज्यात तो जखमी झाला. (bengaluru man arrested for raping bangladeshi woman accused was running away)

त्यानं पोलिसांच्या टीमवर चाकूनं हल्ला केला

या प्रकरणात आतापर्यंत 10 लोकांना अटक करण्यात आल्याचे पोलिसांनी सांगितले. पोलिसांची टीम बुधवारी पहाटे रामपुरा येथे मुख्य आरोपी शाहबाजला पकडण्यासाठी गेली असता, त्यानं पोलिसांच्या टीमवर चाकूनं हल्ला केला आणि तेथून पळून जाण्याचा प्रयत्न केला, त्यानंतर पोलिसांनी स्वत: चा बचाव करण्यासाठी गोळीबार करून आरोपीला पकडले.

एका महिलेसह सहा जणांवर हल्ला

आरोपीच्या पायाला गोळी लागल्याचे समजतेय. या हल्ल्यात एक हेड कॉन्स्टेबलही जखमी झाला. आरोपीला रुग्णालयात उपचारासाठी नेण्यात आले. पोलीस सूत्रांनी दिलेल्या माहितीनुसार, पीडितेची तीन वर्षांपूर्वी बांगलादेश, आसाम, पश्चिम बंगाल, तेलंगणा आणि कर्नाटकमध्ये कार्यरत मानवी तस्करांच्या जाळ्यामार्फत बांगलादेशातून तस्करी करण्यात आली. त्यानंतर या टोळीने 22 वर्षीय पीडितेला वेश्या व्यवसायासाठी भाग पाडले.आर्थिक वादावरून एका महिलेसह सहा जणांनी तिच्यावर हल्ला केला आणि तिच्यावर चौघांनी सामूहिक बलात्कार केला.

या महिलेवर अत्याचार आणि बलात्कार केल्याच्या आरोपाखाली अटक करण्यात आलीय

त्याचवेळी अलीकडेच अवैध बांगलादेशींना या महिलेवर अत्याचार आणि बलात्कार केल्याच्या आरोपाखाली अटक करण्यात आलीय. या घटनेचा एक व्हिडीओही व्हायरल झालाय. बंगळुरू पोलिसांनी एका प्रसिद्धीपत्रकात म्हटले आहे की, “व्हिडीओ क्लिपच्या आधारे बंगळुरू शहर पोलिसांनी एका महिलेसह पाच आरोपींना ताबडतोब शोधून काढले आणि त्यांना अटक केली.” व्हिडीओमध्ये लोक महिलेवर अत्याचार करत असल्याचं आणि त्रास देताना दिसत आहेत.

संबंधित बातम्या

Kolkata ATM Fraud: बँक एटीएमचे सॉफ्टवेअर हॅक, 2 कोटी रुपये काढले, पोलिसांची हॉटेलवरही नजर

बायकोला माहेरी नेल्याचा राग, नवऱ्याने सासूबाईंनाच पॉर्न फिल्म पाठवल्या

bengaluru man arrested for raping bangladeshi woman accused was running away