Bhandara : बाईक चोरट्यांची टोळी भंडारा स्थानिक गुन्हे शाखेच्या जाळ्यात, पोलिसांनी 4 आरोपींना अटक करत 5 बाईक केल्या जप्त!

अड्याळ पोलीस स्टेशन अंतर्गत येणाऱ्या कोसरा येथून 16 जून रोजी घरासमोरुन दुचाकी चोरीस गेल्याची घटना घडली होती. दरम्यान लाखांदूर येथे दुचाकीची विक्री होणार असल्याची गुप्त माहिती पोलिसांना मिळाली. लाखांदूर येथे पथकासह पोहचून पोलिसांनी सापळा रचला असता संशयास्पद स्थितीत फिरत असलेल्या रोषण कोचे याला विचारपूस केली असताना त्याने उडवा उडवीची उत्तरे पोलिसांना दिली.

Bhandara : बाईक चोरट्यांची टोळी भंडारा स्थानिक गुन्हे शाखेच्या जाळ्यात, पोलिसांनी 4 आरोपींना अटक करत 5 बाईक केल्या जप्त!
Image Credit source: tv9
तेजस मोहतुरे

| Edited By: शितल मुंडे, टीव्ही 9 मराठी डिजीटल

Jul 02, 2022 | 9:18 AM

भंडारा : भंडारा (Bhandara) जिल्ह्यात गेल्या काही दिवसांपासून बाईक चोरीच्या घटनांमध्ये वाढ झाली होती. जिल्ह्याबाहेरील बाईक चोरणाऱ्या टोळीला पकडण्यात आता भंडारा पोलिसांना (Police) यश आले. बाईक चोरणारी टोळी भंडारा स्थानिक गुन्हे शाखेच्या जाळ्यात अडकली असून यात पथकाने चौघांना ताब्यात घेतलंय. विशेष म्हणजे या टोळीकडून तब्बल 5 बाईक (Bike) जप्त करण्यात आल्या आहेत. या बाईक चोर टोळीने फक्त भंडाऱ्यातच नाही तर मध्यप्रदेशमध्येही बाईक चोरल्याची माहिती उघडकीस आलीयं. अजून काही गुन्हे उघडकीस येण्याची शक्यता पोलिसांनी वर्तवली आहे.

16 जून रोजी घरासमोरुन दुचाकी चोरीस गेल्याची घटना घडली

अड्याळ पोलीस स्टेशन अंतर्गत येणाऱ्या कोसरा येथून 16 जून रोजी घरासमोरुन दुचाकी चोरीस गेल्याची घटना घडली होती. दरम्यान लाखांदूर येथे दुचाकीची विक्री होणार असल्याची गुप्त माहिती पोलिसांना मिळाली. लाखांदूर येथे पथकासह पोहचून पोलिसांनी सापळा रचला असता संशयास्पद स्थितीत फिरत असलेल्या रोषण कोचे याला विचारपूस केली असताना त्याने उडवा उडवीची उत्तरे पोलिसांना दिली.

सापळा रचत पोलिसांनी चोरांना केले अटक

रोशनला पोलिसांनी खाक्या दाखवताच त्याने आरोपी विरु कोटांगले व इरफान शेख यांच्या मदतीने बाईक चोरत असल्याचे कबुल केले. पोलिसांनी रोशनला ताब्यात घेऊन पाच बाईकही जप्त केल्या. आरोपींनी भंडारा जिल्ह्याच्या कोसरा व लाखांदूर तसेच मध्यप्रदेशातील लिंगमारा येथून बाईक चोरी केल्याची कबुली दिली. आरोपींच्या अटकेने बाईक चोरी करणारी एक मोठी टोळी पकडण्यास पोलिसांना यश आले आहे.

हे सुद्धा वाचा

लाखांदूर येथे चोरीच्या बाईक विक्री होणार असल्याची माहिती

बाईक चोरी करणाऱ्या टोळीमध्ये रोशन दिनेश कोचे वय (23) रा. वडसा जिल्हा गडचिरोली, विरु प्रभाकर कोटांगले वय (23), इरफान ऊर्फ सुलतान इसराईल शेख वय (28) वर्ष दोघेही राहणार अड्याळ, तालुका पवनी अशी दुचाकी चोरट्यांची नावे आहेत. या टोळीला पकडण्यासाठी पोलिसांनी खास सापळा रचना होता. लाखांदूर येथे चोरीच्या बाईक विक्री होणार असल्याची माहिती पोलिसांना मिळाली होती, त्यानंतर पोलिसांनी चोरांना पकडण्यासाठी खास सापळा रचला होता.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें