पत्नीला शारीरिक संबंध ठेवायचे नव्हते, पतीला कंट्रोल झाला नाही; व्हिडीओ सुरु करुन तिच्या गळ्यात…

मध्य प्रदेशातील भिंड जिल्ह्यातून एक धक्कादायक घटना समोर आली आहे. दारूच्या नशेत धुत असलेल्या एका पतीने आपल्या पत्नीशी शारीरिक संबंध ठेवण्याचा आग्रह धरला. पण पत्नीला हे मान्य नव्हते आणि तिने संबंध ठेवण्यास नकार दिला. यामुळे पतीला राग आला. त्याने आपल्या फोनचा कॅमेरा सुरू केला आणि असे काही केले, ज्यामुळे सर्वांना धक्काच बसला. चला, जाणून घेऊया संपूर्ण प्रकरण.

खरेतर, मध्य प्रदेशातील भिंड जिल्ह्यातील पुलेह गावात गुरुवारी मध्यरात्री पती जबर सिंह जाटव दारूच्या नशेत घरी परतला. त्याने आपल्या पत्नीशी शारीरिक संबंध ठेवण्याची मागणी केली, पण पत्नीने तसे करण्यास नकार दिला आणि ती झोपायला गेली. यामुळे संतापलेल्या जबर सिंहने आपल्या मोबाइलचा कॅमेरा सुरू केला आणि व्हिडिओ रेकॉर्डिंग सुरू केली. त्याने पत्नीशी जबरदस्ती करण्याचा प्रयत्न केला, पण पत्नीने त्याला ढकलून विरोध केला. रागाच्या भरात जबर सिंहने आधी आपल्या पत्नीला मारहाण केली आणि नंतर तिच्या गळ्यावर पाय ठेवून पायाने गळा दाबला. नशेत असलेल्या जबर सिंहला आपण काय केले याची जाणीवही झाली नाही. त्यानंतर तो आपल्या पत्नीच्या मृतदेहाजवळच बिछान्यावर झोपला.

वाचा: ‘कोणी माझ्यावर प्रेम करत नाही…’ सावळ्या रंगामुळे मुलीचा अपमान, उचलेले भयानक पाऊल

सकाळी जेव्हा झोप उघडली, तेव्हा…

सकाळी जेव्हा त्याची झोप उघडली आणि नशा उतरली तेव्हा आपल्या पत्नीचा मृतदेह बिछान्यावर पाहून तो रडू लागला. त्याने तात्काळ आपल्या वडिलांना या घटनेची माहिती दिली आणि नंतर ऊमरी पोलीस ठाण्यात जाऊन पोलिसांसमोर गुन्हा कबूल केला. तो पोलिसांना म्हणाला, ‘साहेब, मला अटक करा. मी दारूच्या नशेत माझ्या बायकोला मारले.’ जबर सिंहचे बोलणे ऐकून पोलीस थक्क झाले. पोलीस तात्काळ त्याच्यासोबत त्याच्या घरी पोहोचले, जिथे बिछान्यावर तरुणीचा मृतदेह पडला होता. मृतदेह ताब्यात घेऊन शवविच्छेदनासाठी पाठवण्यात आला आणि आरोपी पतीला अटक करण्यात आली.

चार महिन्यांपूर्वी झाले होते लग्न

मृतकेचे लग्न 10 फेब्रुवारी 2025 रोजी पुलेह गावातील भारत जाटव यांचा मुलगा जबर सिंह याच्याशी झाले होते. लग्नाच्या अवघ्या चार महिन्यांतच दोघांमध्ये सतत वाद होऊ लागले होते. मृतकेचा भाऊ दीपू जाटव याने आरोप केला की, त्याच्या बहिणीच्या हत्येत जबर सिंहसह त्याचे वडीलही सामील आहेत. दीपूने सांगितले की, त्याच्या बहिणीचे एक बोट कापलेले होते आणि चेहऱ्यावर जखमांचे डागही होते. घटनेची माहिती मिळताच माहेरच्या मंडळींनी घटनास्थळी धाव घेतली आणि संपूर्ण प्रकरणाची सखोल चौकशी करण्याची मागणी केली.