Ambernath Accident : डिव्हायडरला धडकून एर्टीगा उलटल्यानं एकाचा जागीचं मृत्यू, पाच जण जखमी

अंबरनाथ – अंबरनाथमध्ये (Ambernath) मध्यरात्री कारचा भीषण अपघात (Accident) झाला आहे. त्यामध्ये एकाचा जागीच मृत्यू झाला असून पाच जण जखमी झाले आहेत. ही घटना मध्यरात्री घडल्याने नेमका अपघात कशामुळे झाला याचं कारण स्पष्ट झालेलं नाही. लोकनगरी बायपास रस्त्यावर रात्री तीनच्या सुमारास अपघात झाला आहे. एकाचा जागीच मृत्यू झाल्याची माहिती मिळाली आहे. तर पाचजण गंभीर जखमी आहेत. त्यापैकी एकाला गंभीर जखमा झाल्या असल्याने उपचारासाठी मुंबईत  (Mumbai) आणण्यात आले आहे. पोलिसांनी घटनास्थळी जाऊन पंचनामा केला असून पोलिस अधिक तपास करीत आहेत.

नेमकं काय झालं

अंबरनाथच्या लोकनगरी बायपास रस्त्यावर भरधाव वेगाने निघालेली एर्टीगा डिव्हायडरला धडकली. गाडीचं स्पीड प्रचंड असल्याने गाडी जाग्यावर उलटली. ही घटना रात्री तीनच्या सुमारास घडली आहे. अपघात झाल्यानंतर एकाचा जागीचं मृ्त्यू झाला. तर पाचजण जखमी झाले आहेत. एकाची प्रकृती गंभीर असल्याने त्याला उपचारासाठी मुंबईत आणण्यात आल्याची माहिती मिळाली आहे. नेमका अपघात कशामुळे झाला याची माहिती अद्यार पोलिसांना मिळालेली नाही.

अनेकजण रात्रीचा प्रवास टाळतात

रात्रीचे अनेकदा अपघात होत असल्याने नागरिक रात्रीचा प्रवास टाळतात. रस्त्याचा अंदाज न आल्याने अनेकदा अपघात होतात.

चालकाला डुलकी लागल्याने अपघात होत असतात.