पत्नी प्रियकरासोबत नको त्या अवस्थेत होती, तितक्यात पती आला अन्…

बलरामपूर : अनैतिक संबंधासाठी पत्नीने प्रियकरासोबत मिळून पतीची हत्या केल्याची धक्कादायक घटना झारखंडमध्ये उघडकीस आली आहे. हत्या केल्यानंतर मृतदेह विहिरीत फेकला. याप्रकरणी आरोपी पत्नीसह तिच्या प्रियकराला पोलिसांनी अटक केली आहे. या घटनेमुळे कुटुंबीयांना धक्काच बसला आहे. मयत तरुण एका शाळेत शिपाई म्हणून काम करत होता. घटना उघड होताच गावात एकच खळबळ माजली आहे. पोलिसांनी घटनास्थळावरुन हत्येत वापरलेले हत्यारही जप्त केले आहे. घटनेमुळे पती-पत्नीच्या नात्याला कलंक लागला आहे.

पतीने प्रियकरासोबत रंगेहाथ पकडले

आरोपी पत्नीचे गावातील तरुणासोबत अनैतिक संबंध सुरु होते. काल रात्री महिला आपल्या प्रियकरासोबत आक्षेपार्ह स्थितीत होते. यादरम्यान अचानक पती घरी आला आणि त्याने पत्नीला प्रियकरासोबत रंगेहाथ पकडले. यामुळे पत्नीने प्रियकराच्या मदतीने पतीचा काट काढला. पतीची हत्या करुन मृतदेह विहिरीत टाकला.

गावकऱ्यांनी विहिरीत मृतदेह पाहिला

सकाळी गावकऱ्यांनी विहिरीत मृतदेह तरंगताना पाहिला. यानंतर पोलिसांना याबाबत माहिती देण्यात आली. घटनेची माहिती मिळताच पोलिसांनी तात्काळ घटनास्थळी धाव घेत मृतदेह विहिरीतून बाहेर काढला. मृतदेहाची ओळख पटवत शवविच्छेदनासाठी रुग्णालयात पाठवला. मयत गावातीलच रहिवासी असल्याचे निष्पन्न झाले.

तपासादरम्यान गुन्हा उघड

पोलिसांनी प्रकरणाचा तपास सुरु केला. तपासादरम्यान पोलिसांना महिलेच्या अनैतिक संबंधाची माहिती मिळाली. पोलिसांनी महिला आणि तिच्या प्रियकराची कसून चौकशी केली असता सर्व प्रकार उघडकीस आली. पोलिसांनी दोघांना अटक केली. दोन्ही आरोपींनी गुन्ह्याची कबुली दिली. पोलिसांनी दोघांविरोधात हत्येचा गुन्हा दाखल केला आहे.