पत्नीचा काळा रंग पसंत नव्हता, मग पतीने जे केले ते भयानक !

बुर्गी : पत्नीचा काळा रंग पसंत नसल्याने पतीने पत्नीची गळा आवळून हत्या केल्याची घटना कर्नाटकातील जेवरगी तालुक्यातील केल्लूर गावात घडली आहे. फरजाना बेगम असे मयत महिलेचे नाव आहे. पत्नीची हत्या केल्यानंतर पती आपल्या कुटुंबासह फरार झाला आहे. या जोडप्याला 4 वर्षाचा आणि 2 वर्षाचा अशी दोन मुले आहेत. खाजा पटेल असे आरोपी पतीचे नाव आहे. याप्रकरणी जेवरगी पोलीस ठाण्यात खाजा पटेलविरोधात गुन्हा दाखल करण्यात आला आहे.

सात वर्षापूर्वी झाला होता विवाह

फरजाना बेगम आणि खाजा पटेल यांचा सात वर्षापूर्वी विवाह झाला होता. फरजाना रंगाने काळी-सावळी असल्याने खाजाला पसंत नव्हती. तो दररोज तिच्या रंगावरुन तिला टोमणे मारत छळ करायचा. तसेच हुंड्यासाठी ते तिचा छळ करत होते. फरजानाने याबाबत आपल्या कुटुंबीयांनाही सांगितले होते.

दूधवाल्याने माहिती दिल्यानंतर घटना उघडकीस

केल्लूरमधील एका दूधवाल्याने फरजानाचा चुलत भाऊ खुर्शीद याला फोन करुन त्याच्या बहिणीची हत्या झाल्याचे सांगितले. यानंतर खुर्शीद फरजानाच्या आई-वडिलांना घेऊन तिच्या घरी पोहचला. घरात फरजाना मृतदेह पडला होता, तर दोन्ही मुलं मृतदेहाच्या शेजारी बसली होती. तर खाजा आणि त्याचे कुटुंबीय फरार होते.

पोलिसांकडून आरोपींचा शोध सुरु

फरजानाच्या घरच्यांनी जेवरगी पोलीस ठाण्यात खाजाविरोधात तक्रार दाखल केली. पोलिसांनी घटनास्थळी दाखल होत महिलेचा मृतदेह ताब्यात घेत शवविच्छेदनासाठी रुग्णालयात पाठवला. पोलिसांनी हुंडा आणि हत्येप्रकरणी गुन्हा दाखल केला असून, आरोपींचा शोध घेत आहेत. शवविच्छेदनानंतर फरजानाचा मृतदेह तिच्या कुटुंबीयांकडे सोपवण्यात आला. फरजानाची दोन्ही सध्या तिच्या आई-वडिलांच्या ताब्यात आहेत.