नाशिकमध्ये 24 वर्षीय तरुणाची हत्या, पूर्ववैमनस्यातून हत्येचा संशय

नाशिक : 24 वर्षीय तरुणाची हत्या (Youth Murder) केल्याचा धक्कादायक प्रकार उघडकीस आला आहे. नाशिकच्या म्हसरूळ (Nashik Crime News) परिसरात ही घटना घडल्याचं समोर आलं आहे. पोटात धारदार शस्त्राने वार करून तरुणाची हत्या करण्यात आली. पूर्ववैमनस्यातून (Old Rivalry) किंवा वर्चस्वाच्या वादातून हत्या झाल्याचा संशय व्यक्त केला जात आहे. 24 वर्षीय तरुणाच्या हत्येने म्हसरूळ परिसर हादरुन गेला आहे.

काय आहे प्रकरण?

नाशिकच्या म्हसरुळ परिसरात असणाऱ्या सावकार गार्डन जवळ एका 24 वर्षीय तरुणाची हत्या करण्यात आली आहे. यश रामचंद्र गांगुर्डे असे हत्या झालेल्या तरुणाचे नाव आहे. त्याच्या पोटात धारदार शस्त्राने वार करून हत्या करण्यात आली आहे. तर त्याच्या मित्राने तिथून वेळीच पळ काढल्याने तो बचावला.

पूर्ववैमनस्यातून हत्येचा संशय

या घटनेची माहिती मिळताच पोलिसांनी घटनास्थळी धाव घेत मृतदेहाचा पंचनामा केला. तर पूर्ववैमनस्यातून किंवा वर्चस्वाच्या वादातून हत्या झाल्याचा प्राथमिक अंदाज पोलिसांनी लावला आहे.

पंचवटीत बापलेकाचा गळफास

दुसरीकडे, नाशिकच्या पंचवटी परिसरात वडील आणि मुलाने आत्महत्या केल्याची धक्कादायक घटना उघडकीस आली आहे. राहत्या घरात गळफास घेऊन दोघांनी आयुष्याची अखेर केली. जगदीश जाधव आणि प्रणव जाधव असं वडील-मुलाचे नाव आहे. दुहेरी आत्महत्येचं कारण अद्याप अस्पष्ट आहे.

याआधी अनैतिक संबंधांच्या संशयातून तरुणाने मेव्हण्याची हत्या केल्याचा धक्कादायक प्रकार नाशिकमध्येच समोर आला होता. लासलगाव-मनमाड रोडवर अनिले अहिरे नामक व्यक्तीचा खून झाला होता. अनैतिक संबंधाच्या कारणावरुन भावोजींनी मेव्हण्याचा (साल्याचा) खून केल्याचे निष्पन्न झाले. या प्रकरणी पोलिसांनी मयत तरुणाचा मेव्हणा दत्तात्रय अहिरे याला बेड्या ठोकल्या आहेत. महामार्गालगत असलेल्या सीसीटीव्ही कॅमेरात संशयित मारेकरी आणि मयत एकाच दुचाकीवरुन आल्याचे दिसले. त्यामुळे आरोपीला अटक करण्यात पोलिसांना यश आले