AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मुंबईत दहाव्या मजल्यावरुन लिफ्ट कोसळली, तीन वर्षांच्या बालकासह पाच जण जखमी

भायखळा येथील जे जे मार्गावरील कॅफे पॅराडाईजजवळील खाडिया रस्त्यावर असलेली झोपडपट्टी पुनर्वसन प्राधिकरणाची (एसआरए) ही 18 मजली इमारत आहे, लिफ्टमध्ये बिघाड झाल्यामुळे लिफ्ट दहाव्या मजल्यावरून थेट खाली पडली.

मुंबईत दहाव्या मजल्यावरुन लिफ्ट कोसळली, तीन वर्षांच्या बालकासह पाच जण जखमी
प्रातिनिधीक फोटो
| Edited By: Anish Bendre | Updated on: Nov 01, 2021 | 12:31 PM
Share

मुंबई : मुंबईत लिफ्ट कोसळून झालेल्या दुर्घटनेत पाच जण जखमी झाले आहेत. शनिवारी उशिरा जेजे रुग्णालयाजवळील गुलमोहर टेरेस इमारतीमध्ये लिफ्ट कोसळून अपघात झाला. रात्री 11 वाजून 5 मिनिटांच्या सुमारास दोन अल्पवयीन मुलांसह पाच जण लिफ्ट वापरत असताना ही घटना घडली. यामध्ये तीन वर्षांच्या बालकाचाही समावेश आहे.

काय आहे प्रकरण?

भायखळा येथील जे जे मार्गावरील कॅफे पॅराडाईजजवळील खाडिया रस्त्यावर असलेली झोपडपट्टी पुनर्वसन प्राधिकरणाची (एसआरए) ही 18 मजली इमारत आहे, अशी माहिती पोलिसांनी दिली.  मुंबई अग्निशमन दलाचे स्टेशन ऑफिसर एम वरणकर म्हणाले की, “लिफ्टमध्ये बिघाड झाल्यामुळे लिफ्ट दहाव्या मजल्यावरून थेट खाली पडली.”

घटनेनंतर लगेचच इमारतीतील रहिवाशांनी अग्निशमन दल आणि मुंबई पोलीस नियंत्रण कक्षाला माहिती दिली, त्यांनी घटनास्थळी जाऊन अडकलेल्या रहिवाशांची सुटका केली.

पाच जण जखमी, प्रकृती स्थिर

हुमा खान (24), अर्शा खान (7), सोहन कादरी (3), निलोफर रिझवान शेख (36) आणि शाहीन खान (45) अशी पाच जखमींची नावे आहेत. त्यांना जेजे रुग्णालयात दाखल करण्यात आले. सर्वांची प्रकृती स्थिर असल्याची माहिती एका अधिकाऱ्याने दिली. त्यापैकी एकाला डिस्चार्ज दिल्याची माहितीही डॉक्टरांनी दिली.

अजूनही जेजे रुग्णालयात दाखल असलेल्या चौघा रुग्णांपैकी एक असलेल्या शाहीनच्या दोन्ही पायांमध्ये फ्रॅक्चर आहे. त्यावर रविवारी शस्त्रक्रिया करण्यात आली, अशी माहिती जे जे रुग्णालयातील ऑर्थोपेडिक विभागातील डॉ. नादिर शाह यांनी दिली. त्यांच्या देखरेखीखाली सर्व जखमी रहिवाशांवर उपचार केले जात आहेत. “आम्ही शाहीनचे ऑपरेशन केले. फ्रॅक्चर ठीक करण्यासाठी सोमवारी सकाळी आणखी दोघांवर शस्त्रक्रिया करण्यात येणार आहेत. त्या सर्वांची प्रकृती स्थिर आहे.” अशी माहितीही डॉक्टरांनी दिली.

लिफ्ट दुर्घटनेप्रकरणी गुन्हा दाखल

जेजे मार्ग पोलिसांनी भादंवि कलम 287 (मशिनरीच्या बाबतीत निष्काळजीपणा) आणि 338 (इतरांच्या जीवाला किंवा वैयक्तिक सुरक्षेला धोका निर्माण करणाऱ्या कृत्यामुळे गंभीर दुखापत करणे) अंतर्गत गुन्हा दाखल केला आहे.

वरळीत लिफ्ट पडून पाच मजुरांचा मृत्यू

काही महिन्यांपूर्वी वरळीतील हनुमान गल्लीत बीडीडी चाळ नंबर 118, 119 च्या समोर असलेल्या ललित अंबिका या निर्माणाधीन बिल्डिंगची लिफ्ट कोसळून चौघा मजुरांचा जागीच मृत्यू झाला होता, तर गंभीर जखमी झालेल्या एकाने उपचारादरम्यान प्राण गमावले होते. या प्रकरणी कंत्राटदार आणि सुपरवायझर यांच्यावर गुन्हा नोंदवून बेड्या ठोकण्यात आल्या होत्या. संबंधित बातम्या :

वरळी लिफ्ट दुर्घटना, पाच मजुरांच्या मृत्यू प्रकरणी दोघा जणांना अटक

लिफ्टचा दरवाजा आणि ग्रीलमध्ये अडकून चिमुरड्याचा मृत्यू, धारावीतील धक्कादायक घटना

Follow Us
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण