पॅरेलिसीस आणि पैशांच्या चणचणीने ग्रासलं! नागपुरातील नवरा-बायकोची गळफास घेत आत्महत्या

नागपूर : नागपुरात एका दापम्त्यानं आत्महत्या (Nagpur Couple Suicide) केली. गळफास लावून घेत या दाम्पत्यानं आपलं आयुष्य संपवलंय. त्यामुळे एकच खळबळ उडाली आहे. 45 वर्षांचा नवरा आणि 40 वर्षांच्या बायकोनं जीव दिल्यानं एकच खळबळ उडाली आहे. या दाम्पत्याच्या आत्महत्येनंतर पोलिसांना एक सुसाईड नोट सापडली. या सुसाईट नोटच्या मदतीनं नागपूर पोलीस (Nagpur Police News) आत्महत्याप्रकरणाचा अधिक तपास करत आहेत. नागपूपच्या कळमना पोलीस ठाण्याच्या हद्दीमध्ये ही धक्कादायक (Nagpur Crime News) घडली आहे. कोरोना महामारीचा आर्थिक फटका, सोबत आजारांनी ग्रासलेलं असल्या कारणां या दाम्पत्यानं आयुष्य संपवलं असल्याचा संशय व्यक्त केला जातोय. नवरा-बायकोच्या आत्महत्येनं नागपूरच्या कळमना भागात सगळ्यांना धक्का बसलाय.

आत्महत्या करणारे नवरा-बायको कोण?

आत्महत्या करणाऱ्या नवरा बायकोचं नाव मनोज लोधी आणि ममता लोधी असं आहे. मनोज हे 45 वर्षांचे होते, तर त्यांची पत्नी ममताचं वय 40 होतं. नागपूरच्या कळमना पोलीस ठाण्याच्या अंतर्ग येणाऱ्या गौरी नगर इथं नवरा बायकोनं गळफास लावून आपली जीवयात्रा संपवली.

पॅरोलिसीस आणि आर्थिक अडचणी

मनोज लोधी जुन्या वाहनांच्या खरेदी-विक्रीचा व्यवसाय करत होते. हे दाम्पत्य मूळचं गोंदिया येथील आहे. कोविड काळात त्यांच्या व्यवसायाला मोठा फटक बसला. दरम्यान त्यांचा मनोज याला पॅरेलिसिस झाला होता. प्रकृतीसाठी खर्च, व्यवसायातील अडचणी आणि राहण्यासाठी चिंता, अशा तिहेरी संकटात सापडल्यामुळे आता जगायचं कसं, असा प्रश्न या दाम्पत्यासमोर उभा राहिला होता.

पाहा महत्त्वाची बातमी : Video

आधीच पैशांचा चणचण असताना, त्यात घरमालकाने सतत भाडं आणि पाणी बिलाच्या रकमेसाठी तगादा लावला होता. त्यामुळं लोधी दाम्पत्याने गळफास लावून आत्महत्या केली. सुसाईड नोटमध्ये यासंदर्भात पोलिसांना उल्लेख आढळले आहे. सध्या पोलीस या प्रकरणाचा अधिक तपास करीत आहे. एकूणच या प्रकारानं नागपुरात खळबळ उडाली आहे.