CCTV | भरधाव रिक्षा अचानक रस्त्यात घसरली, सात वर्षांच्या चिमुकलीसह चौघं जखमी
या अपघातात सात वर्षांची चिमुकली जखमी झाली आहे. तर तिच्यासोबत रिक्षाने प्रवास करणारे तिचे पालक आणि रिक्षा चालकही या अपघातात जखमी झाल्याची माहिती आहे.
नाशिक : नाशिकमध्ये रिक्षाचा भीषण अपघात (Rickshaw Accident) झाला आहे. अपघातात सात वर्षांची चिमुकली जखमी झाली आहे. लहान मुलीसोबत रिक्षाने प्रवास करणारे तिचे पालक आणि रिक्षा चालकही या अपघातात जखमी झाल्याची माहिती आहे. नाशिक रोड (Nashik Road) परिसरात असलेल्या मिल्लत पब्लिक स्कूलच्या बाहेर हा प्रकार घडला. मंगळवारी संध्याकाळच्या सुमारास हा अपघात झाल्याचं समोर आलं आहे. भरधाव वेगाने जाणारी रिक्षा अचानक आडवी (Auto Rickshaw Overturn) पडली. तर रिक्षाचा धक्का लागून रस्त्याच्या कडेला असलेली दुचाकीही खाली कोसळली. या अपघाताची दृश्यं सीसीटीव्ही कॅमेरात कैद झाली आहेत. नाशिक रोड पोलिस ठाण्यात या प्रकरणी गुन्हा दाखल करण्यात आला आहे. या अपघाताची भीषण दृश्यं पाहून अंगावर अक्षरशः काटा येतो.
नेमकं काय घडलं?
नाशिकमध्ये रिक्षाचा भीषण अपघात झाल्याचं समोर आलं आहे. भरधाव वेगात असलेली रिक्षा अचानक आडवी पडली. तर रिक्षाचा धक्का लागून रस्त्याच्या कडेला असलेली दुचाकीही खाली कोसळली.
चिमुकलीसह चौघं जण जखमी
या अपघातात सात वर्षांची चिमुकली जखमी झाली आहे. तर तिच्यासोबत रिक्षाने प्रवास करणारे तिचे पालक आणि रिक्षा चालकही या अपघातात जखमी झाल्याची माहिती आहे.
पोलिसात गुन्हा
नाशिक रोड परिसरात असलेल्या वसंत विहारमधील मिल्लत पब्लिक स्कूलच्या बाहेर हा अपघात झाला. काल (मंगळवारी) झालेल्या या भीषण अपघाताची दृश्यं सीसीटीव्ही कॅमेरात कैद झाली आहेत. नाशिक रोड पोलिस ठाण्यात या प्रकरणी गुन्हा दाखल करण्यात आला आहे.
पाहा व्हिडीओ :
CCTV | धावती रिक्षा अचानक रस्त्यात घसरली, सात वर्षांच्या चिमुकलीसह चौघं जखमी #Nashik | #Accident | #Rickshaw pic.twitter.com/Cp5k1oW0yJ
— TV9 Marathi (@TV9Marathi) February 16, 2022
संबंधित बातम्या :
कंटेनर गेटला घासत नाही ना? ड्रायव्हर उतरताच गाडी अचानक पुढे, गेटमध्ये अडकून जागीच मृत्यू
ज्या अपघातात अभिनेता दीप सिद्धूचा अंत झाला, त्या गाडीची अवस्था दाखवणारा व्हिडीओ पाहा
