आईच्या निधनानंतर लेकाला विरह असह्य, येवल्यात 25 वर्षीय तरुणाची आत्महत्या

आईच्या निधनानंतर लेकाला विरह असह्य, येवल्यात 25 वर्षीय तरुणाची आत्महत्या
आईच्या आठवणीत तरुणाची आत्महत्या
Image Credit source: टीव्ही 9

आत्महत्येसारखं टोकाचं पाऊल उचलण्यापूर्वी त्याने एक चिठ्ठी लिहिली होती. एका छोट्या कागदावर लिहिलेली ही नोट पोलिसांना त्याच्या खिशात सापडली आहे.

उमेश पारीक

| Edited By: अनिश बेंद्रे

May 13, 2022 | 1:05 PM

नाशिक : 25 वर्षीय तरुणाने आत्महत्या (Suicide) केल्याची धक्कादायक घटना उघडकीस आली आहे. राहत्या घरी गळफास घेऊन तरुणाने आपल्या आयुष्याची अखेर केली. आईच्या विरहातून त्याने टोकाचं पाऊल उचलल्याचं समोर आलं आहे. नाशिक जिल्ह्यातील येवला शहरात (Nashik Crime News) हा प्रकार उघडकीस आला. विशाल उर्फ सोनू रामदास गायकवाड असं आत्महत्या करणाऱ्या तरुणाचं नाव आहे. त्याच्या खिशात पोलिसांना एका लहानशा कागदावर लिहिलेली चिठ्ठी (Suicide Note) आढळली आहे. विशालच्या आईचा काही महिन्यांपूर्वीच मृत्यू झाला होता. आपल्याला आईची आठवण येत असल्याचा त्याने सुसाईड नोटमध्ये उल्लेख केला आहे.

काय आहे प्रकरण?

नाशिक जिल्ह्यातील येवला शहरातील एन्झोकेम हायस्कूल समोर असलेल्या कॉम्प्लेक्समध्ये ही घटना घडली. राहत्या घरामध्ये विशाल उर्फ सोनू रामदास गायकवाड (वय 25 वर्ष) या तरुणाने गळफास घेऊन आत्महत्या केली.

तरुणाच्या खिशात चिठ्ठी

आत्महत्येसारखं टोकाचं पाऊल उचलण्यापूर्वी त्याने एक चिठ्ठी लिहिली होती. एका छोट्या कागदावर लिहिलेली ही नोट पोलिसांना त्याच्या खिशात सापडली आहे.

सुसाईड नोटमध्ये काय?

काही महिन्यांपूर्वीच मयत झालेल्या आईची खूप आठवण येत आहे. माझ्या मृत्यूला कोणालाही जबाबदार धरू नये, अशी चिठ्ठी त्याने लिहिली होती.

हे सुद्धा वाचा

आईच्या विरहातून मुलाने केलेल्या आत्महत्येच्या घटनेमुळे परिसरात हळहळ व्यक्त केली जात आहे. या घटनेमुळे गायकवाड कुटुंबावर पुन्हा एकदा दुःखाचा डोंगर कोसळला आहे. या प्रकरणाचा तपास येवला शहर पोलीस आता करत आहेत.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें