Pune News : आंतरराष्ट्रीय महिला दिनीच पुण्यात BMW कारमधील तरुणांचे रस्त्यावर अश्लील चाळे, VIDEO
Pune News : आता पुण्यात सकाळच्या वेळेला BMW कारमधील मद्यधुंद अवस्थेत एका तरुणाने रस्त्यावर अश्लील चाळे केल्याची घटना समोर आली आहे. महत्त्वाच म्हणजे आज आंतरराष्ट्रीय महिला दिवस आहे. याच दिवशी ही घटना घडली.
पुण्यात सध्या गुन्हेगारीच प्रमाण वाढत चाललं आहे. त्यामुळे महिलांच्या सुरक्षेचा प्रश्न गंभीर बनत चालला आहे. पुण्यात घडणाऱ्या घटना पाहिल्यानंतर किंवा ऐकल्यानंतर पुण्यात काय चाललय? असा प्रश्न पडतो. मागच्याच आठवड्यात पुण्यात स्वारगेट एसटी डेपो परिसरात एका बसमध्ये तरुणीवर बलात्कार झाला. त्यानंतर पुण्यात टॅक्सीने प्रवास करणाऱ्या एका महिलेला असाच अनुभव आला. तिने सिग्नलला टॅक्सी थांबल्यानंतर पळत जाऊन पोलीस ठाण गाठलं. आता पुण्यात सकाळच्या वेळेला BMW कारमधील मद्यधुंद अवस्थेत एका तरुणाने रस्त्यावर अश्लील चाळे केल्याची घटना समोर आली आहे. महत्त्वाच म्हणजे आज आंतरराष्ट्रीय महिला दिवस आहे. याच दिवशी ही घटना घडली.
गाडीत बसलेला हा चालक मद्य प्राशन केलेल्या अवस्थेत होता. येरवडा भागांमध्ये शास्त्रीनगर चौकात स्त्रियांच्या समोर त्याने अश्लील चाळे केले. हा आणि आतमधील त्याचा मित्र दोघेही दारू प्यालेले होते. अश्लील चाळे करुन झाल्यावर दोघे फुल स्पीडमध्ये गाडी चालवत वाघोलीच्या दिशेने गेले. सकाळच्या सुमारास तरुणाने एका सिग्नलवर ही अश्लील हरकत केली. पुणे नगर रोडवरील शास्त्रीनगर चौकात ही घटना घडली. दोन्ही व्यक्ती BMW कारमध्य बसल्या होत्या. या कारचा नंबर MH-12 RF8419 आहे.
पुण्यात मारहाणीची दुसरी घटना कुठे?
पुण्यातील कोथरूड परिसरात तरुणाला बेदम मारहाण करण्यात आली आहे. मारहाणीत तरुण गंभीर जखमी झाला आहे. किरकोळ वादावरून रिक्षाचालकाकडून आणि त्याच्या साथीदाराकडून धारदार शस्त्राने मारहाण. पुण्यातील कोथरूड पोलीस स्टेशनमध्ये दोन अज्ञात व्यक्तींविरोधात गुन्हा दाखल. तरुणाला मारहाण करतानाचा CCTV व्हिडिओ समोर. गाडी आडवी मारल्याच्या कारणावरुन अक्षय लोणकर नावाच्या तरुणाला बेदम मारहाण करण्यात आलीय. ही मारहाण केल्याबद्दल सचिन मीसाळ आणि त्याच्या साथीदारांवर कोथरुड पोलीस ठाण्यात गुन्हा दाखल करण्यात आलाय. कोथरुडमधील एम आय टी कॉलेजच्या समोर गाडी आडवी आणल्याच्या कारणावरुन ही भांडणं झालीत. पोलीसांनी सचीन मीसाळला अटक केली असून इतर आरोपींचा शोध घेतला जातोय.
