Pune Crime : ऐकावं ते नवलच… पुण्यातला ‘हा’ पठ्ठ्या फक्त पांढऱ्या गाड्या चोरायचा, सापळा रचत पोलिसांनी ठोकल्या बेड्या

पुणे / अभिजीत पोते (प्रतिनिधी) : कोणाला कधी कसली आवड लागेल हे काही सांगता येत नाही. पुण्यातल्या एका पठ्याला चक्क पांढऱ्या रंगाच्या मोपेड (Moped) गाड्या चोरायची आवड लागली होती. ही आवड गेल्या अनेक दिवसांपासून तो जोपासत देखील होता. परंतु आता चतु:श्रृंगी पोलिसांनी त्याला बेड्या ठोकल्या आहेत. या पठ्ठ्याने आतापर्यंत सात पांढऱ्या रंगा (White Colour)च्या गाड्या चोरी (Stole) केल्या आहेत. विवेक वाल्मिक गायकवाड (20, रा. थेरगांव) असं सदर आरोपीचं नाव असून, त्याला नव नवीन गाड्या फिरवण्याचा शॉक होता. त्याही नवीन पांढऱ्या रंगाच्या मोपेड गाड्या. चतु:श्रृंगी पोलिसांनी सापळा रचून या चोराला अटक केले असून, त्याची रवानगी आता येरवडा तुरुंगात करण्यात आली आहे.

गाड्या फिरवायचा आणि पेट्रोस संपले की जागेवरच ठेवून द्यायचा

हा आरोपी पार्किंगमधून नवीन गाड्या चोरायचा. मात्र या गाड्या तो विकत नसे तर फक्त फिरवायचा आणि त्या गाडीमधील पेट्रोल संपल्यानंतर गाडी त्याच ठिकाणी सोडून पसार होत असे. त्याने चतु:श्रृंगी, वाकड, सांगवी या भागातून या दुचाकी चोरी केल्या आहेत. शहरात अलीकडे गाड्या चोरण्याचे प्रमाण मोठ्या प्रमाणात वाढले होते. त्यातच या एकाच आरोपीवर तीन वेगवेगळ्या पोलीस स्टेशनमध्ये गुन्हे नोंद होते. त्यानुसार पुणे पोलिसांनी सापळा रचत एका सोसायटीवर आपले लक्ष केंद्रित केलं होतं. त्याच सोसायटीत पोलीस अंमलदार ज्ञानेश्वर मुळे व किशोर दुशिंग हे दुसऱ्या पार्किंगमध्ये थांबलेले असतानाच आरोपी विवेक हा नव्या गाड्यांना चाव्या लावून पाहत असल्याचे दिसले. त्यानंतर पोलिसांनी तात्काळ त्याच्या मुसक्या आवळत त्याला ताब्यात घेऊन चौकशी केली. चौकशीत विवेकने आतापर्यंत सात गाड्या चोरल्याचं निष्पन्न झालं आहे. (A thief who stole white mopeds in Pune was arrested by the police)