Pune Crime : 7 वर्षांच्या मुलीचं अपहरण करुन बलात्कार आणि हत्या! पुण्याच्या माळव मधील खळबळजनक घटना, नराधमाला अटक

Pune Rape And Murder Case : सात वर्षांच्या चिमुरडीची हत्या करण्याआधी तिच्यावर बलात्कार करण्यात आला होता, याचा खुलासा पोस्ट मॉर्टेम रिपोर्टमधून झाला.

Pune Crime : 7 वर्षांच्या मुलीचं अपहरण करुन बलात्कार आणि हत्या! पुण्याच्या माळव मधील खळबळजनक घटना, नराधमाला अटक
खळबळजनक घटना
Image Credit source: TV9 Marathi
सिद्धेश सावंत

|

Aug 06, 2022 | 8:08 AM

पुणे : पुणे जिल्हा बलात्कार आणि हत्येच्या (Pune Rape And Murder Case) घटनेनं पुन्हा एकदा हादरला आहे. पुणे जिल्ह्याच्या (Pune crime news) मावळ तालुक्यात काळीज हेलावून टाकणारी घटना उघडकीस आली आहे. एका सात वर्षांच्या अल्पवयीन मुलीचं अपहरण करुन तिच्यावर बलात्कार करण्यात आला. इतकंच नाही, तर नंतर या सात वर्षांच्या मुलीची हत्यादेखील करण्यात आली. या घटनेमुळे मावळ तालुक्याचं संपूर्ण पुणे जिल्ह्यात खळबळ उडाली आहे. शुक्रवारी पोलिसांनी या घटनेबाबातची माहिती दिली. या प्रकरणी पोलिसांनी नराधमाला अटकही करण्यात आलीय. या नराधमाची चौकशी पोलिसांकडून सुरु आहे. 10 ऑगस्टपर्यंत या नराधमाला पोलीस कोठडी सुनावण्यात आलीय. मंगळवारी एक सात वर्षांची चिमुरडी (Seven year old girl rape and murdered) बेपत्ता झाली होती. घरातूनच या मुलीचं अपहरण करण्यात आलेलं होतं. या मुलीचा शोध घेतला जात असतानाच आता समोर आलेल्या खळबळजनक घटनेनं सगळ्यांचा मोठा धक्का बसलाय.

नराधमाला अटक

अपहरण, बलात्कार आणि हत्या अशा तीन गुन्ह्यांखाली 24 वर्षांच्या तेजस दळवी नावाच्या नराधमाला अटक करण्यात आली आहे. कामशेत पोलिसांनी याबाबतची माहिती दिली. सात वर्षांच्या चिमुरडीचं तेजसने तिच्या घरातूनच अपहरण केलं होतं. घरातून या चिमुरडीला पळवून नेल्यावर तेजसने तिच्यावर बलात्कार केला आणि नंतर तिचा खूनही केला. मंगळवारपासून ही चिमुरडी बेपत्ता होती. तिचा मृतदेह हाती लागल्यानंतर पोलिसांनी तो पुढील तपासणीसाठी रुग्णालयात पाठवला होता. त्यानंतर पोस्ट मॉर्टेम रिपोर्टमधून खळबळजनक खुलासा करण्यात आला.

पोस्ट मॉर्टेमधून धक्कादायक खुलासा

सात वर्षांच्या चिमुरडीची हत्या करण्याआधी तिच्यावर बलात्कार करण्यात आला होता, याचा खुलासा पोस्ट मॉर्टेम रिपोर्टमधून झाला. त्यानंतर पोलिसांनी हत्येसोबत बलात्काराचाही गुन्हा नोंदवून घेतला आहे. यानंतर पोलिसांनी लगेचच नराधम आरोपीविरोधात अटकेची कारवाई केली. आरोपी तेजस दळवी याला बेड्या ठोकण्यात आल्या आहेत. 10 ऑगस्टपर्यंत तेजस दळवीला पोलीस कोठडी सुनावण्यात आलीय. सध्या कामशेत पोलीस याप्रकरणी पुढील तपास करत असून नराधमाची कसून चौकशी पोलिसांकडून केली जातेय.

हे सुद्धा वाचा

कठोर कारवाईची मागणी

सुप्रीम कोर्टाने दिलेल्या निर्देशांनुसार पीडित मुलीची, तसंच तिच्या कुटुंबीयांची ओळख उघड करण्यात आलेली आहे. मात्र या घटनेनं पीडित अल्पवयीन मुलीच्या कुटुंबीयांनाही मोठा धक्का बसला असून आरोपीवर कठोरातली कठोर कारवाई केली जावी, अशी मागणी त्यांनी केली आहे.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें