ATM robbery | चोरीसाठी लढवली अनोखी शक्कल ; युट्युबवरील व्हिडीओ पाहून एटीएम फोडले ; चोरी पद्धत ऐकून पोलिसही चक्रावले
एटीएमफोडण्यासाठी युटूबवरील व्हिडिओची मदत घेतल्याची माहिती पोलिसांना दिल्याने पोलिसही चक्रावून गेलं आहेत. या प्रकरणी पोलिसांनी अजय रमेशराव शेंडे (वय 32, दौंड), शिवाजी उत्तम गरड (वय25,वाशीम), ऋषिकेश काकासाहेब किरतिके (वय 22, उस्मानाबाद) यांना अटक केली आहे.
पुणे – जिल्ह्यात वाढत्या गुन्हेगारीबरोबरच चोरीच्या घटनांमध्ये वाढ झाल्याचे समोर आले आहे. चोरी कारण्यासाठी चोरांकडून आता युट्युबचा आधार घेतल्याची धक्कादायक घटना समोर आली आहे. दौंड(Daund) जवळ असलेल्या यवत गावाजवळ असलेले महाराष्ट्र बँकेचे एटीएम ( Bank of Maharashtra) कापून त्यामधून 23लाख 80 हजार 700 रुपये चोरी गेल्याचा प्रकार घडला होता. या प्रकरणी पोलिसांनी एमटीम फोडणाऱ्या टोळीला अटक केली आहे. आरोपींना अटक केल्यानंतर चौकशीत आरोपींनी धक्कादायक माहिती दिली आहे. एटीएमफोडण्यासाठी युटूबवरील व्हिडिओची(YouTube video) मदत घेतल्याची माहिती पोलिसांना दिल्याने पोलिसही चक्रावून गेलं आहेत. या प्रकरणी पोलिसांनी अजय रमेशराव शेंडे (वय 32, दौंड), शिवाजी उत्तम गरड (वय25,वाशीम), ऋषिकेश काकासाहेब किरतिके (वय 22, उस्मानाबाद) यांना अटक केली आहे.
अशी फोडली एटीएम पोलिसांनी दिलेल्या माहिती नुसार या आरोपींनी यु ट्युबवरुन घरफोडी व एटीएम चोरी कशी करायची, याची माहिती गोळा केली. इतकंच नव्हेतर चोरी करण्यासाठी लागणारे साहित्य ऑनलाईन मागविल्याचे तपासात निष्पन्न झाले आहे. आरोपींनी गॅस कटरच्या साहयाने ही चोरी केली होती. त्यांच्याकडून 10 लाख रुपये व मोरीची मोटारसायकल, गॅस कटर व इतर साहित्य जप्त केले.
बाबत पोलीस अधीक्षक डॉ. अभिनव देशमुख यांनी पत्रकार परिषदेत माहिती दिली. यवत येथील महाराष्ट्र बँकेची एटीएम कापून चोरट्यांनी 23 लाख 80 हजार700 रुपये चोरुन नेले होते. 17 जानेवारी रोजी पहाटे अडीच ते चार वाजण्याच्या दरम्यान हा दरोडा टाकण्यात आला होता. त्याअगोदर 16 जानेवारीला कुरकुंभ येथील स्टेट बँक ऑफ इंडियाचे एटीएम फोडून चोरी करण्याचा प्रयत्न केला होता.
वाळू स्वस्तात उपलब्ध होणार, बाळासाहेब थोरात यांची माहिती
Latur Crime | पती जिवंत असताना केलं अजब काम, लातूरमध्ये संपत्ती लाटण्यासाठी पत्नीचा गजब कारनामा
