Raigad Accident : मुंबई पुणे एक्सप्रेस वे वर एर्टिगा कार 40 फूट दरीत कोसळली, चालकासह एक प्रवाशी जखमी

खालापूर : मुंबई पुणे एक्सप्रेस वे वर दुपारी एर्टिगा कार (Ertiga Car) मुंबईकडे जात असताना बोरघाटात वळणावर चालकाचे नियंत्रण सुटल्याने कार 40 फूट दरीत कोसळल्याची घटना आज घडली. या अपघाता (Accident)त कारमधील चालक आणि एक प्रवासी जखमी (Injured) झाला आहे. अफकोन कंपनीच्या पुढे कार आली असता ही दुर्घटना घडली. घटनेची माहिती मिळताच तात्काळ संबंधित प्रशासकीय यंत्रणा आणि पोलीस घटनास्थळी दाखल झाले. जखमींना रेस्क्यू करुन तात्काळ उपचारासाठी रुग्णालयात हलविण्यात आले. बोरघात पोलिसात अपघाताची नोंद करण्यात आली आहे.

चालकाचे कारवरील नियंत्रण सुटल्याने अपघात

मुंबई पुणे एक्सप्रेसवरून पुण्याहून मुंबईकडे ही एर्टिगा कार चालली होती. कार खालापूर हद्दीत बोरघाटात आली असता एक्सप्रेस वे वरील अफकोन कंपनीच्या पुढे वळणावर चालकाचे कारवरील नियंत्रण सुटले आणि कार सरळ दरीत कोसळली. यात कार चालक व एक प्रवाशी जखमी झाले असून त्यांना तात्काळ लोकमान्य हॉस्पिटल निगडी येथे हलविण्यात आले आहे. या अपघाताची माहिती मिळताच बोरघाट पोलीस, आयआरबी यंत्रणा, अपघातग्रस्त टीमचे सदस्य, देवदूत यंत्रणा, लोकमान्यची टीम तात्काळ घटनास्थळी दाखल झाले. या टीमने एर्टिगा कारमध्ये अडकलेल्यांना बाहेर काढून पुढील उपचारासाठी रुग्णालयात पाठवून दिले.

सिन्नर येथे दुधाने भरलेला टँकर पलटी

सिन्नरच्या दापुर दोडी रस्त्यावर दुधाचा टॅंकर पलटी होऊन हजारो लिटर दूध रस्त्यावर सांडून दहा लाखांहून अधिक रक्कमेचे नुकसान झाले. पुण्याच्या मंचर येथून दापुर येथील डेअरीला दूध घेऊन जाणारा टॅंकर दापुर दोडी खुर्द रस्त्यावर भोजपूर फाट्याजवळ अज्ञात मोटारसायकलने हुलकावणी दिली. तसेच पावसाच्या रिमझिममुळे वळणावर अचानक ब्रेक दाबल्यामुळे टॅंकर पलटी होऊन रस्त्यावर आडवा झाला. यामध्ये दहा हजार पाचशे लीटर दूध रस्त्यावर वाया गेले तर टॅंकरचे मोठ्या प्रमाणात नुकसान झाले. (The Ertiga car crashed into a 40 foot valley on the Mumbai Pune Expressway)