Satara Rape : सातारा हादरलं! लिंबू डोक्यावर फिरवून जादूटोणा करत तरुणीवर बलात्कार, नराधमाला अटक

सातारा : साताऱ्यातून (Satara Crime News) एक संतापजनक घटना उघडकीस आली आहे. एका तरुणीवर बलात्कार (Satara Rape) करण्यात आला असून बलात्काराआधी या तरुणीच्या डोक्यावरुन लिंबू फिरवून जादूटोणा करण्यात प्रयत्न झाला. ही धक्कादायक आणि संताप आणणारी घटना उघडकीस आल्यानंतर साताऱ्यात हादरुन गेलंय. या प्रकरणी पीडित तरुणीने आपल्या तक्रारी खळबळजनक आरोप केला आहे. पीडित तरुणीने दिलेल्या आरोपांच्या आधारे आता पोलिसांनी (Satara Police) एकावर गुन्हा नोंदवून घेतला असून पुढील तपास केला जातो आहे. तसंच संशयित आरोपी असलेल्या नराधमास अटकही करण्यात आलीय. ताब्यात घेण्यात आलेल्या संशयित आरोपीची पोलिसांकडून कसून चौकशी सध्या केली जातेय. साताऱ्यातल्या एका कॉलनीमध्ये हा धक्कादायक प्रकार घडला आहे. साताऱ्यातील शाहूपुरी पोलीस ठाण्यात या बलात्कार प्रकरणी तक्रार नोंदवण्यात आली असून अधिक तपास केला जातो आहे.

एकटीला रुममधे नेलं, आणि…

साताऱ्यातल्या एका कॉलनीत मुक्तार नासीर शेख या तरुणाने एका तरुणीला एकटीला रुममध्ये नेलं. त्यानंतर तिच्या डोक्यावरुन लिंबू फिरवला आणि भुरळ पडून तिच्यावर जबरदस्ती करत बलात्कार केला. पीडित तरुणीने आपल्या जबाबात या संपूर्ण प्रकाराचा थरकाप उडवणारा घटनाक्रम सांगितला आहे. पोलिसांनीही या तक्रारीची गंभीर दखल घेत गुन्हा दाखल करुन घेतला आहे. सध्या सातारा पोलीस याप्रकरणी पुढील तपास करत आहेत.

याआधी नराधमाने असंच केलंय?

साताऱ्यात उघडकीस आलेल्या या संतापजनक बलात्कार प्रकरणानंतर पोलिसांनी 375 आणि 201(3) प्रमाणे संशयित आरोपी असलेल्या मुक्तार नासीर शेख याच्यावर गुन्हा नोंदवून घेतलाय. पीडितेने केलेल्या आरोपांनंतर मुक्तान शेख याला पोलिसांनी ताब्यातही घेतलं असून त्याची कसून चौकशी आता केली जाते आहे. ही घटना उघडकीस आल्यानंतर संपूर्ण साताऱ्यात खळबळ माजली आहे. या घटनेनंतर मुलींच्या सुरक्षेचा मुद्दा आता पुन्हा एकदा ऐरणीवर आला आहे. दरम्यान, याआधीही नासीर शेख यांनी अशाचप्रकारे इतरही तरुणींसोबत गैरकृत्य केलेलं असण्याचीही भीती व्यक्त केली जाते आहे. त्या अनुशंगाने पोलिसांकडून पुढील तपास केला जातो आहे. या तपासातून आता नेमकी काय माहिती समोर येते, हे पाहणंही महत्त्वाचंय.