Navi Mumbai Suicide : नवी मुंबईत पाचवीच्या विद्यार्थिनीची आत्महत्या, कारण अद्याप अस्पष्ट

मयत मुलगी नवी मुंबईतील रबाळे येथील रहिवासी असून इयत्ता पाचवीमध्ये शिकत होती. गेले काही दिवस मुलगी शांत राहत होती. मैत्रिणींशीही बोलत नव्हती, अशी माहिती तिच्या मैत्रिणीने दिली.

Navi Mumbai Suicide : नवी मुंबईत पाचवीच्या विद्यार्थिनीची आत्महत्या, कारण अद्याप अस्पष्ट
नवी मुंबईत पाचवीच्या विद्यार्थिनीची आत्महत्या
Image Credit source: TV9
रवी खरात

| Edited By: वैजंता गोगावले, टीव्ही 9 मराठी डिजीटल टीम

Aug 04, 2022 | 6:23 PM

नवी मुंबई : अज्ञात कारणावरुन पाचवी इयत्तेत शिकणाऱ्या एका विद्यार्थिनी (Student)ने आत्महत्या (Suicide) केल्याची घटना नवी मुंबईतील रबाळे येथे घडली आहे. या घटनेमुळे परिसरात खळबळ उडाली आहे. तर मुलीच्या कुटुंबीयांवर दुःखाचा डोंगर कोसळला आहे. याप्रकरणी रबाळे पोलीस (Rabale Police) ठाण्यात आत्महत्येची नोंद करण्यात आली आहे. घटनेची माहिती मिळताच रबाळे पोलीस घटनास्थळी दाखल झाले. पोलिसांनी मृतदेह ताब्यात घेत शवविच्छेदनासाठी रुग्णालयात पाठवला. मुलीला एका मुलाकडून धमकी मिळत होती. यामुळे तिने टोकाचे पाऊल उचलल्याचे बोलले जात आहेत. पोलीस याबाबत चौकशी करत आहेत.

पोलीस तपासानंतरच सत्य समोर येईल

मयत मुलगी नवी मुंबईतील रबाळे येथील रहिवासी असून इयत्ता पाचवीमध्ये शिकत होती. गेले काही दिवस मुलगी शांत राहत होती. मैत्रिणींशीही बोलत नव्हती, अशी माहिती तिच्या मैत्रिणीने दिली. परिसरात राहणाऱ्या एक मुलगा काही कारणावरुन धमकावत होता, अशी माहिती मिळते. हा मुलगाही तिच्याच वयाचा आहे. याच कारणातून मुलीने राहत्या घरी ओढणीने गळफास घेत आत्महत्या केल्याची प्राथमिक माहिती मिळते. हा मुलगा नेमका कोण आहे ? तो कसली धमकी मुलीला देत होता ? याबाबत रबाळे पोलीस तपास करत आहेत. तपासाअंतीच मुलीच्या आत्महत्येचे नेमके कारण स्पष्ट होईल. मात्र शाळकरी मुलीच्या आत्महत्येमुळे परिसरात शोककळा पसरली आहे.

औरंगाबादमध्ये प्रेमी युगुलाची आत्महत्या

अज्ञात कारणावरुन औरंगाबादमध्ये प्रेमी युगुलाने आत्महत्या केल्याची घटना घडली आहे. औरंगाबादमधील एका हॉटेलमध्ये आत्महत्या केली. तीन दोघांचेही मृतदेह हॉटेलच्या रुममध्ये पडून होते. मृतदेहांना वास येऊ लागल्याने हॉटेलच्या कर्मचाऱ्यांनी रुमचा दरवाजा खोलून पाहिला असता दोघे जण मृतावस्थेत आढळले. टीव्हीचा आवाज मोठा करुन दोघांनी आत्महत्या केली. प्रियकर फॅनला लटकला होता तर प्रेयसीचा मृतदेह पलंगावर पडला होता. याबाबत पोलीस पुढील तपास करत आहेत. (Suicide of 5th class student due to unknown reason in Navi Mumbai)

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें