Dombivali Crime : मित्रांमधील वाद टोकाला गेला, तिघांनी मिळून तरुणाचा प्रायव्हेट पार्टच कापला !

डोंबिवली : मित्रांमध्ये झालेल्या वादातून एक धक्कादायक घटना डोंबिवलीत उघडकीस आली आहे. हा वाद इतका विकोपाला गेला की, तिघांनी मिळून तरुणाचा प्रायव्हेट पार्टच कापला. डोंबिवलीतील गोळवली परिसरात ही खळबळजनक घटना घडली आहे. संजय कुमार असे जखमी तरुणाचे नाव आहे. तरुणाला मुंबईतील एका पालिका रुग्णालयात उपचारासाठी दाखल करण्यात आले आहे. तरुणाची प्रकृती चिंताजनक आहे. याप्रकरणी मानपाडा पोलिसांनी तिघांविरोधात गु्न्हा दाखल करण्यात आला आहे. सुरेंद्र राम, सोनू राम आणि करण राम अशी गुन्हा दाखल करण्यात आलेल्या तिघांची नावे आहेत. दोघांना ताब्यात घेण्यात आले आहे.

जखमी तरुण आणि आरोपी एकाच खोलीत राहतात

डोंबिवलीमधील गोळवली परिसरात संजय कुमार, सोनू राम, करण राम आणि सुरेंद्र राम हे चार जण एमआयडीसीमध्ये काम करत असून,एकाच खोलीत राहत होते. काल रात्रीचा सुमारास या चौघांनी पार्टी केली.

काही कारणातून झालेला वाद विकोपाला गेला अन्…

या पार्टीत दारू प्यायल्यानंतर चौघांमध्ये काही कारणावरून वाद सुरू झाला. हा वाद इतका विकोपाला गेला की या वादातून सोनू करण आणि सुरेंद्र यांनी संजय कुमार याला बेदम मारहाण सुरू केली.

इतकेच नव्हे तर या तिघांनी धारदार शस्त्राने संजय कुमार याचा प्रायव्हेट पार्टच कापला. या हल्ल्यात संजय कुमार गंभीर जखमी झाला आहे. याप्रकरणी मानपाडा पोलिसांना माहिती मिळतात पोलिसांनी घटनास्थळी धाव घेतली.

जखमी तरुणावर मुंबईतील रुग्णालयात उपचार सुरु

जखमी संजय कुमारला उपचारासाठी मुंबई येथील पालिका रुग्णालयात हलवले. तसेच या तिघांवर गुन्हा दाखल करत, यापैकी सोनू राम आणि करण राम या दोन्ही आरोपींना ताब्यात घेत पुढील तपास सुरू केला आहे.

दरम्यान या चौघांमध्ये वैयक्तिक कारणातून वाद झाला आणि हा वाद विकोपाला गोला. पोलीस याप्रकरणी कसून चौकशी करत आहेत. चौकशीअंतीच वादाचे नेमके कारण उघड होईल.