Delhi Murder : पैसे दिले नाही म्हणून अल्पवयीन नातवाने आजीचा गळा चिरला, हत्येनंतर मित्रांना व्हिडिओ कॉल करुन मृतदेह दाखवला

दिल्ली : पैसे दिले नाही म्हणून अल्पवयीन नातवाने धक्काबुक्की करुन 84 वर्षीय आजीची गळा चिरुन हत्या (Murder) केल्याची धक्कादायक घटना राजधानी दिल्लीतील शालीमार बाग परिसरात घडली आहे. सर्जिकल ब्लेडने गळ्यावर वार करुन आजीची हत्या केली. हत्या केल्यानंतर आरोपीने व्हिडिओ कॉल (Video Call) करुन मित्रांना मृतदेह दाखवून हत्येची पुष्टी केली. आजीच्या हत्येनंतर घरातील पैसे लुटून आरोपी पळून गेला. या प्रकरणात अल्पवयीन मुलाच्या चार मित्रांचाही समावेश होता, त्यांना पोलिसांनी अटक (Arrest) केली आहे. आरोपींकडून पोलिसांनी सर्जिकल ब्लेड, रक्ताने माखलेले कपडे, लुटलेले 50 हजार रुपये, स्विफ्ट डिझायर कार जप्त करण्यात आली आहे.

पोलिसांनी दिलेल्या माहितीनुसार, 8 जुलै रोजी शालीमार बाग परिसरात एका 84 वर्षीय महिलेची हत्या करण्यात आली होती. पोलीस तपासात समोर आले की, वृद्ध महिलेने मालमत्ता विकून सर्व मुलांना कुटुंबासह वेगवेगळ्या ठिकाणी स्थायिक केले होते आणि ती शालिमार बाग परिसरात एकटीच राहत होती. पोलिसांनी मुलांची चौकशी केली, मात्र कुणावरही संशय आला नाही. हत्येप्रकरणी पोलिसांना कोणताही धागादोरा हाती लगात नव्हता.

सीसीटीव्हीच्या आधारे आरोपी

पोलिसांनी महिलेच्या घराच्या आजूबाजूचे सीसीटीव्ही स्कॅन केले. यामध्ये एक संशयित मुलगा पांढऱ्या टॉवेलने चेहरा झाकून हत्येच्या आदल्या रात्री 9.30 वाजता महिलेच्या घरात शिरताना दिसला. यानंतर तो रात्री 11.20 वाजता बाहेर येताना दिसला. यानंतर तो पुन्हा रात्री 12.20 वाजता घरात शिरताना दिसला आणि काही वेळाने निघून गेला. पोलिसांनी सीसीटीव्हीमध्ये कैद झालेला संशयित कुटुंबातील प्रत्येक सदस्याला दाखवला. कुटुंबीयांनी संशयिताची ओळख सांगताच पोलिसही चक्रावून गेले. तपासादरम्यान संशयित हा दुसरा तिसरा कोणी नसून वृद्ध महिलेचा नातू असल्याचे निष्पन्न झाले.

उधार पैसे परत करण्यासाठी हत्या करुन पैसे लुटले

पोलिसांनी अल्पवयीन मुलाची चौकशी केली असता त्याने धक्कादायक खुलासा केला. शाळेत शिकत असताना चुकीच्या संगतीत पडल्याचे त्यांनी सांगितले. यावेळी त्याची चार तरुणांशी मैत्री झाली. मुलाने या तरुणांकडून पैसे उधार घेतले होते. हे पैसे ते परत मागत होते. मात्र मुलाकडे पैसे नव्हते. अल्पवयीन मुलाने चौघांना सांगितले की, त्याच्याकडे पैसे नाहीत, परंतु त्याची आजी एकटी राहते आणि नुकतीच तिने मालमत्ता विकली आहे. त्यामुळे तिच्याकडे पैसे आहेत आणि ती पैसे देऊ शकते. जर तिने पैसे दिले नाहीत तर तिला मारून घरातून मोठी रक्कम मिळू शकते.

हत्येनंतर व्हिडिओ कॉल करुन मित्रांना मृतदेह दाखवला

सगळ्यांनी मिळून एक कट रचला. अल्पवयीन मुलाने आजीचे घर गाठून तिच्याकडे पैसे मागितले. आजीने नकार दिल्याने अल्पवयीन मुलाने आजीला धक्काबुक्की करत तिचा गळा चिरून खून करण्यात आला. हत्येनंतर मित्रांनी व्हिडिओ कॉलवर मृतदेह दाखवून हत्येची पुष्टी केली. नंतर मित्रांना बोलावून एका ठिकाणी बोलावून आजीच्या घरातून लुटलेले सुमारे 1 लाख 50 हजार रुपये देऊन कर्जाची परतफेड केली. यानंतर अल्पवयीन मुलगा पुन्हा आजीच्या घरी गेला आणि आजी जिवंत आहे का ते पाहिले. पोलिसांनी अल्पवयीन मुलाच्या मित्रांना अटक केली आहे. तर अल्पवयीन मुलाला ताब्यात घेण्यात आले आहे. (The minor grandson killed the grandmother for money in delhi)