Jharkhand Murder : चेटकीण असल्याच्या संशयातून वृद्ध महिलेची घरात घुसून हत्या, दोन जण ताब्यात

दुमका : चेटकीण असल्याच्या संशया (Suspicious)तून एका 60 वर्षीय महिलेची निर्घृण हत्या (Murder) केल्याची घटना झारखंडमधील दुमका जिल्ह्यात घडली आहे. ही घटना सरैयाहाट पोलीस ठाण्याच्या हद्दीतील खेरबानी गावातील आहे. याप्रकरणी मयत महिलेच्या मुलाच्या तक्रारीवरुन सरैयाहाट पोलीस ठाण्यात गुन्हा दाखल करण्यात आला असून पोलिसांनी दोघांना ताब्यात (Detained) घेतले आहे. पोलिसांनी मृतदेह ताब्यात घेत शवविच्छेदनासाठी पाठवला आहे. महिलेचा मुलगा सुनील किस्कू याने सांगितले की, गावातील रहिवासी बुधराम सोरेन हे गेल्या अनेक दिवसांपासून आजारी होते. त्यानंतर त्यांच्या मुलाने 8 जुलै रोजी गावात पंचायत बोलावली होती. पंचांसह सुमारे 15 जण यात सहभागी होते. यामध्ये त्याला आणि त्याची आई सोना हंसदा यांनाही बोलावण्यात आले. पंचायतीमध्ये सर्वांनी आईवर चेटकीण असल्याचा आरोप केला आणि सुधारले नाहीत तर परिणाम वाईट होतील असा इशारा दिला.

हल्ल्यात महिलेचा जागीच मृत्यू

पंचायत संपल्यानंतर सुमारे तासाभरातच बुधराम सोरेन यांचा अचानक मृत्यू झाला. बुधरामच्या मृत्यूनंतर शिवचरण सोरेन, मंत्री सोरेन, देव सोरेन, पुतीलाल सोरेन आणि साहेब सोरेन यांनी अचानक महिलेच्या घरात घुसून तिच्यावर कुदळ मारले. या हल्ल्यात सोना हंसदा यांचा जागीच मृत्यू झाला. माहिती मिळताच सरैयाहाट पोलीस ठाण्याचे प्रभारी अनुज यादव पोलीस पथकासह घटनास्थळी पोहोचले. पोलिसांनी दोन्ही मृतदेह ताब्यात घेऊन पोस्टमॉर्टमसाठी पाठवला. पोस्टमॉर्टमनंतर मृतदेह नातेवाईकांच्या ताब्यात देण्यात आला.

या संदर्भात सरैयाहाट पोलिस स्टेशनचे प्रभारी अनुज यादव यांनी सांगितले की, पोलीस सर्व मुद्यांवर संशोधन करत आहेत. खबरदारी म्हणून वृद्ध महिलेसह बुधरामच्या मृतदेहाचे पोस्टमॉर्टमही करण्यात आले आहे. जेणेकरून तिच्या मृत्यूचे कारणही समोर येऊ शकेल. त्यांनी सांगितले की, दोघांना ताब्यात घेतले असून त्यांची चौकशी सुरू आहे. तपास आणि पोस्टमॉर्टम रिपोर्ट आल्यानंतर सर्व काही स्पष्ट होईल. (Two arrested for elderly womans murder on suspicion of being a witch in jharkhand)