आधी मधुचंद्र, मग अचानक मध्यरात्री नवरी गायब….समोर आलं शेजाऱ्याच धक्कादायक कृत्य

लग्न म्हणजे आनंद. दोन कुटुंबांच आयुष्यभरासाठी एकत्र येणं. लग्नाच्या याच पवित्र कार्यात दोघांपैकी एकाने लपवा छपवी, फसवाफसवी केल्यास हाच आनंद दु:खात बदलतो. अशीच एक धक्कादायक घटना समोर आली आहे. या प्रकरणात नवरी मुलगी मधुचंद्र साजरा केल्यानंतर अर्ध्यारात्री अचानक गायब झाली. मध्यरात्री नवऱ्याचे डोळे उघडल्यानंतर त्याला नवरी बिछान्यात दिसली नाही. त्याने नवरीला तिच्या नावाने आवाज दिला. पण प्रतिसाद मिळाला नाही. रात्रभर नवरा नवरीला शोधत होता. पण काही समजलं नाही. दुसऱ्यादिवशी नवरीच सत्य सगळ्यांना समजलं. ते ऐकल्यानंतर नवरदेवाच्या पायाखालची जमिनच सरकली. उत्तर प्रदेशच्या रायबरेलीमधील हे प्रकरण आहे.

दुसऱ्यादिवशी सकाळी समजलं की, नवरी मुलगी शेजाऱ्यासोबत पळून गेलीय. सध्या ती कुठे आहे? या बद्दल काहीही माहिती नाहीय. मुलीच्या या कृत्यामुळे तिच्या कुटुंबियांची मान शरमेने खाली झुकली. दोन्ही कुटुंबांनी पोलीस ठाण्यात तक्रार नोंदवली. जायस पोलीस ठाणे क्षेत्रातील एका गावच हे प्रकरण आहे. 2 नोव्हेंबरला येथील एक घरात मुलगी लग्न करुन आली. पण मधुचंद्र साजरा केल्यानंतर ती त्याच रात्री घरातून पैसे आणि दागिने घेऊन प्रियकरासोबत पळाली. नवरी मुलगी, तिचा प्रियकर आणि आणखी दोनजण असा चार जणांविरोधात गुन्हा नोंदवण्यात आला आहे.

‘जावयाने आम्हाला मुलीच्या हरकतीबद्दल सांगितलं’

नवरी मुलीच्या वडिलांनी सांगितलं की, “आमची मुलगी शेजारी राहणाऱ्या मुलासोबत पळून गेली आहे. तिचं त्या मुलासोबत अफेयर होतं. आम्हाला हे नातं मान्य नव्हतं. त्यामुळे 2 नोव्हेंबरला आम्ही जायस येथे राहणाऱ्या मुलासोबत मुलीचा निकाह लावून दिला” 3 नोव्हेंबरला जावयाने आम्हाला मुलीच्या हरकतीबद्दल सांगितलं. मुलीचा प्रियकर सुद्धा गायब असल्याच आम्हाला समजलं. त्यामुळे आमचा संशय खरा ठरला. पोलिसांनी नवरी मुलीच्या पित्याने केलेल्या तक्रारीच्या आधावर चौघांविरोधात गुन्हा नोंदवला आहे.