Accident : उत्तराखंडमध्ये मोठी दुर्घटना! अर्टिगा कार नदीत कोसळून 9 ठार, थोडक्यात वाचलेली एकमेव महिला शॉकमध्ये
Uttarakhand Car Accident : पंजाबमधील पर्यटकांनी भरलेली ही अर्टिका कार नदीत कोसळल्यानं भीषण दुर्घटना घडली.
उत्तराखंडमध्ये मोठा कार अपघात (Uttarakhand Car accident News) झाला. या एक अर्टिगा कार नदीत वाहून गेली. ढेला नदीत ही कार कोसळली आणि वाहून गेली. यात दुर्घटनेत 9 जणांचा मृत्यू झालाय. यात सहा महिला तर तिघा पुरुषांचा समावेश आहे. दरम्यान, एकमेव महिला या भीषण दुर्घटनेतून (Uttarakhand Accident) बालंबाल बचवाली आहे. ती देखील सध्या शॉकमध्ये आहे. दुर्घनटास्थळी बचावकार्य सुरु आहे. या कार दुर्घनटेत जीव गमावलेले सर्व जण पंजाबमधील असल्याचं कळतंय. उत्तराखंडच्या नेनीताल (Nainital Accident News) येथील रामनगर इथं ही दुर्घटना घडली. या दुर्घटनेची माहिती मिळाल्यानंतर तातडीनं यंत्रणा बचावकार्यासाठी धावल्या. पहाटे पाच वाजण्याच्या सुमारास ही घटना घडली.
एकटी महिला बचावली!
समोर आलेल्या माहितीनुसार, सकाळी 9 वाजेपर्यंत चार मृतदेह बाहेर काढण्यात आले होते. तर कारमध्ये अजूनही 5 मृतदेह अडकल्याचं सांगण्यात आलं. हे मृतदेह काढण्याच प्रयत्न केले जात होते. दरम्यान एका महिलेला सुरक्षित वाचवण्यात यश आलंय. तिच्यावर सध्या सरकारी रुग्णालयात उपचार सुरु आहेत. रामनगर येथील सरकारी रुग्णालयात या अपघातातून बचावलेल्या महिलेला उपचारासाठी दाखल करण्यात आलं आहे. स्थानिक प्रशासनाच्या मदतीने बचावकार्य केलं जातंय.
पाहा व्हिडीओ :
#WATCH Uttarakhand | 9 died, 1 girl rescued alive and about 5 trapped after a car washed away in Dhela river of Ramanagar amid heavy flow of water induced by rains early this morning, confirms Anand Bharan, DIG, Kumaon Range pic.twitter.com/Dxd27Di5mv
— ANI UP/Uttarakhand (@ANINewsUP) July 8, 2022
कारमध्ये पंजाबमधील पर्यटक
पंजाबमधील पर्यटकांनी भरलेली ही अर्टिका कार नदीत कोसळल्यानं भीषण दुर्घटना घडली. हा अपघात नेमका कसा घडला हे कळू शकलेलं नाही. मात्र चालकाचं वेगावरील नियंत्रण सुटल्यानं किंवा चालकाचा डोळा लागल्यानं हा अपघात झाला असावा, अशी शंका व्यक्त केली जाते आहे.
पाहा व्हिडीओ :
नैनितालमध्ये अपघाताचं सत्र
दरम्यान, काही दिवस आधी नैनीताल जिल्ह्यातील ओखलकांडा इथंही एक कार दुर्घटना झाली होती. कार दरीत कोसळून पाच जणांचा जागीच मृत्यू झालेला. तर ड्रायव्हर जखमी झाला होता. प्रवाशांना घेऊन जाणाऱ्या पिकअप वाहनाच्या या अपघातानंतर एकच खळबळ उडाली होती.
