JEE Advanced 2021 : जेईई ॲडव्हान्सड परीक्षेचं प्रवेशपत्र जाहीर, परीक्षा कधी होणार?
संयुक्त प्रवेश परीक्षा (JEE) प्रगत 2021 साठी प्रवेशपत्र जारी करण्यात आलं आहे. जेईई प्रगत परीक्षेचे प्रवेशपत्र अधिकृत वेबसाइट jeeadv.ac.in वर अपलोड करण्यात आलं आहे.
JEE Advanced 2021 नवी दिल्ली: संयुक्त प्रवेश परीक्षा (JEE) प्रगत 2021 साठी प्रवेशपत्र जारी करण्यात आलं आहे. जेईई प्रगत परीक्षेचे प्रवेशपत्र अधिकृत वेबसाइट jeeadv.ac.in वर अपलोड करण्यात आलं आहे. ज्या उमेदवारांनी परीक्षेसाठी अर्ज केले आहेत ते फक्त या संकेतस्थळावरून त्यांचे प्रवेशपत्र डाऊनलोड करू शकतील. परीक्षेचे हे प्रवेशपत्र (IIT JEE Admit Card 2021) परीक्षेच्या दिवशी 3 ऑक्टोबर रोजी सकाळी 9 वाजेपर्यंत डाऊनलोड करता येईल. ही परीक्षा भारतीय तंत्रज्ञान संस्थांमध्ये (IITs) अभियांत्रिकी आणि आर्किटेक्चर आणि नियोजन कार्यक्रमांमध्ये प्रवेश घेण्यासाठी घेतली जाईल. आम्ही तुम्हाला सांगू की फक्त तेच विद्यार्थी IIT JEE परीक्षेत भाग घेतात ज्यांची रँक JEE Main मध्ये 2.5 लाखांच्या आत येते.
जेईई अॅडव्हान्सड परीक्षेचं प्रवेशपत्र डाऊनलोड कसं करायचं?
स्टेप 1: सर्वप्रथम अधिकृत वेबसाइट jeeadv.ac.in वर भेट द्या . स्टेप 2: वेबसाइटवर दिलेल्या प्रवेशपत्राच्या लिंकवर क्लिक करा. स्टेप 3: आता लॉगिन करा. स्टेप 4: तुमचे प्रवेशपत्र स्क्रीनवर दिसेल. स्टेप 5: ते आता डाउनलोड करा. स्टेप 6: परीक्षा हॉलमध्ये नेण्यासाठी त्याची प्रिंट आउट घ्या.
अडीच लाख विद्यार्थी सहभागी होतील
जेईई मेन 2021 परीक्षा उत्तीर्ण करणारे 2.5 लाख विद्यार्थी जेईई अॅडव्हान्सड 2021 परीक्षेसाठी पात्र असतील. देशातील आयआयटी संस्थातील प्रवेशासाठी ही परीक्षा आयोजित केली जाणार आहे. ही परीक्षा 3 ऑक्टोबर 2021 रोजी होणार आहे. परीक्षेपासून निकालापर्यंतचे वेळापत्रक जाहीर करण्यात आले आहे.
महत्वाच्या तारखा
नोंदणी प्रक्रिया सुरु : 15 सप्टेंबर 2021 नोंदणीची शेवटची तारीख : 20 सप्टेंबर 2021 प्रवेशपत्र डाऊनलोड करण्याची तारीख : 25 सप्टेंबर ते 3 ऑक्टोबर 2021 परीक्षेची तारीख : 3 ऑक्टोबर 2021
दोन सत्रात परीक्षा
जेईई अॅडव्हान्सड परीक्षा दोन शिफ्टमध्ये घेतली जाईल. पहिली शिफ्ट पेपर एक साठी असेल जी सकाळी 9 ते दुपारी 12 पर्यंत असेल. दुसऱ्या शिफ्टमध्ये पेपर दोन दुपारी 2.30 ते 5.30 या वेळेत घेण्यात येईल. अधिक माहितीसाठी संबंधित तपशीलांसाठी उमेदवार जेईई अॅडव्हान्सडच्या अधिकृत वेबसाइटला भेट देऊ शकतात.
गेट परीक्षेच्या नोंदणीला मुदतवाढ
अभियांत्रिकीच्या पदव्युत्तर अभ्यासक्रमाच्या प्रवेशासाठी घेण्यात येणाऱ्या गेट 2022 परीक्षेची नोंदणीस मुदतवाढ देण्यात आली आहे. आता विद्यार्थी 28 सप्टेंबरपर्यंत नोंदणी करु शकतात. अभियांत्रिकी पदवी परीक्षा (GATE) 2022 साठी नोंदणी gate.iitkgp.ac.in या वेबसाईटवर करण्यात येईल. गेट परीक्षा जे विद्यार्थी देऊ इच्छितात ते आयआयटी खरगपूरच्या वेबसाईटला भेट देऊन अधिक माहिती घेऊ शकतात. तर गेट परीक्षा 2022 मार्च महिन्यात होण्याची शक्यता आहे. परीक्षा अर्ज भरल्यानंतर विद्यार्थ्यांनी पुढील माहितीसाठी गेटच्या वेबसाईटला भेट देणं आवश्यक आहे.
आयआटी खरगपूरकडे गेट आयोजनाची जबाबदारी
इंडियन इन्स्टिट्यूट ऑफ टेक्नॉलॉजी, खरगपूरने जारी केलेल्या अधिसूचनेनुसार ऑनलाइन अर्ज करण्याचा अंतिम दिनांक 28 सप्टेंबर करण्यात आला आहे. उमेदवारांनी गेट परीक्षेची अधिकृत नोटिफिकेशन वाचल्याशिवाय अर्ज करु नये, असं आवाहन करण्यात आलंय. गेट 2022 साठी नवीन वेबसाईटवर सविस्तर नोटिफिकेशन आयआयटी खरगपूरकडून जारी करण्यात आलं आहे. तसेच, GATE 2022 च्या परीक्षेची व्याप्ती वाढवण्यात आलीय. BDS आणि M. Pharm पदवी असलेल्या विद्यार्थ्यांना परीक्षेला बसता येणार आहे.
इतर बातम्या:
JEE Advanced 2021 Admit Card Released at jeeadv ac in check here how to download
