ओमिक्रॉनची भीती, 1 डिसेंबरपासून शाळा सुरु होणार का? सरकार काय निर्णय घेणार?
दक्षिण आफ्रिकेत आढळलेल्या कोरोना विषाणूच्या नव्या वेरिएंटच्या पार्श्वभूमीवर शाळा सुरु करण्याच्या निर्णयाच काय होणार असे प्रश्न उपस्थित करण्यात येत आहेत.
मुंबई: महाराष्ट्र सरकारनं येत्या 1 डिसेंबरपासून पहिलीपासूनचे वर्ग सुरु करण्याचा निर्णय घेतला आहे. मात्र, दक्षिण आफ्रिकेत आढळलेल्या कोरोना विषाणूच्या नव्या वेरिएंटच्या पार्श्वभूमीवर शाळा सुरु करण्याच्या निर्णयाच काय होणार असे प्रश्न उपस्थित करण्यात येत आहेत. ठाकरे सरकारनं शाळा सुरु करण्याचा निर्णय घेतला असला तरी ओमिक्रॉन विषाणू ससंर्गाची भीती वाढल्यानं यासंदर्भात शालेय शिक्षण विभाग नेमका काय निर्णय घेणार याकडे लक्ष लागलं आहे.
पहिली ते चौथीचे वर्ग सुरु करण्याबाबत फेरविचार?
राज्याच्या शालेय शिक्षण विभागानं पहिली ते चौथीचे वर्गा सुरु करण्याचा निर्णय घेतलाय. मात्र, ओमिक्रॉन विषाणूमुळं निर्माण झालेल्या परिस्थितीच्या पार्श्वभूमीवार हा निर्णय बदलला जाण्याची शक्यता आहे. ओमिक्रॉनच्या संसर्गांच्या पार्श्वभूमीवर राज्य सरकारनं नवी नियमावली जाहीर केली आहे. शाळा सुरु करण्यासंदर्भातील निर्णयाबाबत सोमवारी चर्चा होण्याची शक्यता आहे.
शासन निर्णय कधी जारी होणार
मंत्रिमंडळ बैठकीत शाळा सुरु करण्याचा निर्णय घेण्यात आला होता. शालेय शिक्षणमंत्री वर्षा गायकवाड यांनी यासदंर्भात माहिती दिली होती. मात्र, शाळा सुरु करण्यासंबंधीचा शासन निर्णय जारी कधी होणार याकडे शाळांचं लक्ष लागलं आहे.
नियमावली काय असणार?
राज्य शासनानं शाळा सुरु करण्यासंबंधीचा निर्णय जाहीर केला असला तरी शाळा सुरु करताना कोरोना प्रतिबंधक नियमावली कशी असावी, कोणत्या नियमांचं पालन केलं जावं यासंदर्भात नियम किंवा मार्गदर्शक सूचना जारी करण्यात आलेल्या नाहीत.
पालकांमध्ये संभ्रम
पहिलीपासूनच्या शाळा सुरु करण्याच्या निर्णयाचं काही पालकांनी स्वागत केलं आहे. तर, काही पालकांनी या निर्णयाला विरोध देखील केला होता. ओमिक्रॉनच्या संसर्गामुळं पालकांचा शाळा सुरु करण्याला विरोध वाढण्याची शक्यता आहे. तर, शाळा सुरु करण्यासंदर्भात आदेश जारी करण्यात आलेले नसल्यानं सोमवारी आणि मंगळवारी राज्य सरकार आणि शालेय शिक्षण विभाग नेमका काय निर्णय घेणार याकडे पालकासंह विद्यार्थ्यांचं लक्ष लागलं आहे.
इतर बातम्या:
सू्र्यासारखे तेजस्वी भविष्य प्राप्त करण्यासाठीचे सोपे उपाय, सूर्य देव नक्की प्रसन्न होणार
Maharashtra School Reopen from 1 December Omicron variant impact on decision
