NTA NEET 2021 : एनटीएकडून नीट यूजी परीक्षेची नमुना OMR प्रकाशित, मार्गदर्शक सूचना जारी

नॅशनल टेस्टिंग एजन्सीच्यावतीनं नॅशनल एलिजिबिलिटी टेस्ट म्हणजेच वैद्यकीय अभ्यासक्रमांच्या पदवी प्रवेशाच्या राष्ट्रीय पात्रता परीक्षा 2021 (NEET UG 2021) परीक्षेची नमुना ओएमआर जारी केली आहे.

NTA NEET 2021 : एनटीएकडून नीट यूजी परीक्षेची नमुना OMR प्रकाशित, मार्गदर्शक सूचना जारी
संग्रहित छायाचित्र.

नवी दिल्ली: नॅशनल टेस्टिंग एजन्सीच्यावतीनं नॅशनल एलिजिबिलिटी टेस्ट म्हणजेच वैद्यकीय अभ्यासक्रमांच्या पदवी प्रवेशाच्या राष्ट्रीय पात्रता परीक्षा 2021 (NEET UG 2021) परीक्षेची नमुना ओएमआर जारी केली आहे. 12 सप्टेंबर रोजी नीट यूजी परीक्षा आयोजित केली जाणार आहे. एनटीएनं परीक्षेपूर्वी परीक्षा केंद्र जाहीर केल्यानंतर आता नमुना ओमएमआर जाहीर करुन ती कशी भरायची या संदर्भात मार्गदर्शक सूचना दिल्या आहेत. एनटीए परीक्षा ऑफलाईन पद्धतीनं 202 शहरांमध्ये देशात आणि परदेशात होणार आहे.

वैद्यकीय अभ्यासक्रमांमध्ये प्रवेश मिळवण्यासाठी नीट यूजी परीक्षा देणारे विद्यार्थी neet.nta.nic.in या वेबसाईटला भेट देऊन पीडीएफ स्वरुपातील नमुना ओएमआर पाहू शकतात.

ओएमआरसंबंधी मार्गदर्शक सूचना

ओएमआर वरील वैयक्तिक तपशील आणि गोल रंगवण्यासाठी काळ्या शाईचा ब्लॅक बॉल पाईंट पेन वापरा. उत्तरपत्रिकेवर खाडाखोड करुन नका. विद्यार्थ्यांनी विचारण्यात आलेल्या माहितीशिवाय इतर कोणतीही माहिती भरु नये, खाणाखूणा करु नयेत. ओएमआरवर दिलेल्या ठिकाणी विहित ठिकाणी तुमचं नाव भरा. उत्तर पत्रिकेवरील घोषणापत्राखाली तुमची सही करा. नीट प्रश्नपत्रिकेवरील बुकलेट कोड, बुकलेट क्रमांक नोंदवण्यास विसरु नका. एका उत्तरासाठी अधिक पर्याय नोंदवून नका. अधिक माहितीसाठी नीट एनटीएच्या ईमेलवर संपर्क साधण्यास सांगण्यात आलं आहे.

अ‌ॅडमिट कार्ड 09 सप्टेंबरला जारी होणार

राष्ट्रीय पात्रता परीक्षा म्हणजेच नॅशनल एलिजिबिलिटी टेस्ट यूजी 2021 परीक्षा 12 सप्टेंबरला आयोजित केली झाणार आहे. विद्यार्थ्यांना या परीक्षेचं प्रवेशपत्र 9 सप्टेंबर रोजी मिळणार आहे. विद्यार्थी परीक्षेपूर्वी तीन दिवस अगोदर प्रवेशपत्र एनटीएच्या वेबसाईटवरुन डाऊनलोड करु शकतात. तर, एनटीए नीट यूजी परीक्षेची परीक्षा केंद्र जाहीर केली आहेत.

नीट यूजी प्रवेशपत्र कसं डाऊनलोड करायचं?

स्टेप 1 : सर्वप्रथम विद्यार्थ्यांनी एनटीएची अधिकृत वेबसाईट neet.nta.nic.in या वेबसाईटला भेट द्यावी स्टेप 2 : वेबसाईटवरील प्रवेशपत्र लिंकवर क्लिक करावं स्टेप 3 : अर्ज क्रमांक आणि पासवर्ड दाखल करावा स्टेप 4 : प्रवेशपत्र ओपन होईल ते डाऊनलोड करुन सोबत ठेवावं

नीट यूजी परीक्षा प्रादेशिक भाषांमध्ये

गेल्या वर्षी कोविड -19 च्या पार्श्वभूमीवर नियमांचे पालन करीत 13 सप्टेंबर रोजी नीट परीक्षा घेण्यात आली. परीक्षेला एकूण 13.66 लाख उमेदवार परीक्षेला बसले होते, त्यापैकी 7,71,500 विद्यार्थी पात्र ठरले होते. यावर्षी ही परीक्षा इंग्रजी, हिंदी, आसामी, बंगाली, गुजराती, कन्नड, मराठी, ओडिया, तामिळ, तेलगू आणि उर्दू या 11 भाषांमध्ये घेण्यात येणार आहे.

इतर बातम्या:

CBSE Private Exam 2021: सीबीएसईकडून कंपार्टमेंट परीक्षेचं ॲडमिट कार्ड जारी, डाऊनलोड कसं करायचं?

शिक्षण क्षेत्राच्या पावित्र्याला गालबोट, अधिकाऱ्यांकडून भ्रष्टाचार, शिक्षक आमदार किशोर दराडेंचा आरोप

NTA released sample omr sheet and guidelines before exam NEET UG 2021

Published On - 5:26 pm, Sat, 21 August 21

Click on your DTH Provider to Add TV9 MARATHI