मिस इंडीया ते एमबीए…नंतर बहुराष्ट्रीय कंपनीत जॉब, आकांक्षा चौधरी हीचा आश्चर्यकारक प्रवास

नवी दिल्ली | 30 सप्टेंबर 2023 : आकांक्षा चौधरी ही मिस इंडीया एलाईट 2016 विजेती आणि राष्ट्रीय पातळीवरील मॉडेल आहे. बिझनेस स्कूल आयआयएम अहमदाबाद मधून आकांक्षा हीने शिक्षण केले असल्याने ती खरोखरच ‘ब्युटी विथ ब्रेन’ आहे. मॉडेलिंगमधून करीयर घडवित असताना आकांक्षा हीने CAT परीक्षा देत देशातील सर्वोच्च कॉलेजात प्रवेश मिळविला. सध्या आकाक्षा बहुराष्ट्रीय कंपनीत कन्सलटन्ट म्हणून काम करीत आहे.

आकांक्षा चौधरी दिल्लीच्या श्रीराम कॉलेज ऑफ कॉमर्स मध्ये पाचव्या क्रमांकावर होती. कॉलेजच्या दिवसात ती अनेक फॅशन इव्हेंटमध्ये सहभाग घ्यायची. कनिका कपूर, रणदीप हुडा, गौहर खान आणि झरीन खान यांच्या सोबत तिने मॉडेलिंग केले आहे. आकांक्षा हीने जेव्हा मॅनेजमेंट स्कूलसाठी अर्ज केला तेव्हा तिची नेमकी मिस इंडीया एलाईट स्पर्धेसाठी निवड झाली. तिने आपली मॉडेलिंगची आवडच जोपासली नाही तर तिला CAT मध्ये 98.12 पर्सेंटाईल मिळून तिला आयआयएमला प्रवेश मिळाला.

शिक्षण घेता घेता छंदही जोपासला

एका मुलाखतीत आकांक्षा हीने सांगितले की मी स्पर्धेत केवळ फॅशनची आवड म्हणून सहभाग घेतला होता. मॉडेलिंगसाठी आपली जीवनशैली बदलावी लागते. संपूर्ण फिट राहावे लागते. तिच सवय आपल्याला जॉबमध्ये देखील कामाला येते असे तिचे म्हणणे आहे. आकांक्षा मॉडेलींगमुळे भारताचा नवा चेहरा म्हणून समोर आली तरी तिने तिचे शिक्षण सोडले नाही. मॉडेलिंग आणि CAT चा अभ्यास एकत्र केला. आकांक्षा हीने आयआयएम अहमदाबाद ( बॅच 2017-18 ) मधून एमबीए ग्रॅज्युएट केले. आता ती मॅककिन्से कंपनीत कन्सलटन्ट आहे. आकांक्षा म्हणजे फॅशन – मॉडेलिंग करतानाही तुम्ही बिझनेसमध्येही यशस्वी होऊ शकता याचे उत्कृष्ट उदाहरण आहे.