गोहत्या, सीएए… जसं राज्य तसा सूर; भाजपची दुहेरी चाल!

तामिळनाडू, पश्चिम बंगाल, आसाम आणि केरळ या चारही राज्यात निवडणुकीच्या प्रचाराने जोर धरला आहे. या प्रत्येक राज्यातील मुद्दे वेगळे आहेत. (Not just CAA, even cow slaughter ban has forced BJP to play different tunes in polls)

गोहत्या, सीएए... जसं राज्य तसा सूर; भाजपची दुहेरी चाल!
पंतप्रधान नरेंद्र मोदी आणि अमित शाह
Follow us
| Updated on: Mar 26, 2021 | 5:18 PM

चेन्नई: तामिळनाडू, पश्चिम बंगाल, आसाम आणि केरळ या चारही राज्यात निवडणुकीच्या प्रचाराने जोर धरला आहे. या प्रत्येक राज्यातील मुद्दे वेगळे आहेत. प्रश्न वेगळे आहेत आणि प्रत्येक राज्याची राजकीय पार्श्वभूमी वेगळी आहे. त्यामुळेच भाजपने सध्या जसं राज्य तसा सूर आळवायला सुरू केलं आहे. त्यामुळे गोहत्या आणि सीएए सारख्या मुद्द्यावर राज्य पाहून भाजपने कुठे आक्रमक धोरण अवलंबलं आहे. कुठे मौन पाळणं पसंत केल्याचं दिसून येत आहे. (Not just CAA, even cow slaughter ban has forced BJP to play different tunes in polls)

भाजपने आसाममध्ये त्यांच्या जाहीरनाम्यातून सीएएचा मुद्दाच गायब केला आहे. आसाममध्ये भाजप सीएएवर बोलायलाही तयार नाही. तर पश्चिम बंगालमध्ये सीएए कायदा लागू करण्याबाबत भाजपने आक्रमक भूमिका घेतली आहे. असंच काही तामिळनाडू आणि केरळच्याबातीत भाजपने धोरण स्वीकारलं आहे. तामिळनाडूत गोहत्या बंदीबाबत भाजप नेते तावातावाने बोलत आहेत. तर केरळमध्ये मात्र गोहत्या बंदीवर ब्र शब्दही काढायला तयार नाहीत.

गोहत्येचा मुद्दा

2016मध्ये भाजपने तामिळनाडूत 234 जागा लढवल्या होत्या. मात्र या निवडणुकीत भाजपला भोपळाही मिळाला नव्हता. आता भाजपने एआयएडीएमकेसोबत युती केली आहे. युतीत भाजपच्या वाट्याला 20 जागा आल्या आहेत. भाजपने तामिळनाडूतील जाहीरनाम्यातून राज्यात गोहत्या बंदी कायदा लागू करण्याचं आश्वासन दिलं आहे. तसेच रेस्क्यू करण्यात आलेल्या गायींना मंदिरांकडून चालविल्या जाणाऱ्या गोशाळेमध्ये ठेवण्यात येणार असल्याचं म्हटलं आहे. मात्र, केरळमध्ये भाजपने या मुद्द्याला स्पर्शही केलेला नाही. त्यांच्या केरळमधील जाहीरनाम्यातून हा मुद्दाच गायब आहे. केरळमध्ये गोमांस मोठ्या प्रमाणावर खाल्लं जातं. त्यामुळे केरळमध्ये मुद्द्यावर भाजपने केवळ मतांसाठी मौन साधलं आहे.

तामिळनाडू आणि केरळमध्ये वेगवेगळी भूमिका का?

नॅशनल सँपल सर्व्हे 2011-12च्या नुसार तामिळनाडूत बीफ खाणाऱ्यांची संख्या 40 लाख आहे. तर केरळमध्ये हा आकडा 80 लाख एवढा आहे. अर्थात बीफचा अर्थ म्हशीचं मटण असा होतो. गायीचं नव्हे. त्यामुळे गोहत्या बंदीचं आश्वासन दिल्यास केरळमध्ये भाजपला नुकसान होऊ शकतं.

सीएए: बंगालमध्ये एक, आसाममध्ये दुसरेच

केरळ-तामिळनाडूत बीफवरून वेगवेगळी भूमिका घेणाऱ्या भाजपने सीएएच्या मुद्द्यावरून आसाम आणि पश्चिम बंगालमध्येही वेगवेगळी भूमिका घेतली आहे. 2019मध्ये आसाममध्ये सीएएला सर्वाधिक विरोध झाला होता. विद्यार्थ्यांपासून बुजुर्गांपर्यंत सर्वांनी रस्त्यावर उतरून सीएएच्या विरोधात आंदोलन केलं होतं. राज्यात अनेक ठिकाणी जाळपोळ करण्यात आली होती. त्यामुळे भाजपने आसाममध्ये सीएएच्या मुद्द्याला बाजूला ठेवलं आहे. तर बंगालमध्ये वेगळी परिस्थिती आहे. बंगालमध्ये मुस्लिम विरोधी भावना आणि एक कोटी मतुआ मतदारांना खूश करण्यासाठी राज्यात सीएए लागू करण्याचं आश्वासन भाजप देत आहे. भाजपच्या या दुहेरी नीतीने राजकीय विश्लेषकही चक्रावून गेले आहेत. (Not just CAA, even cow slaughter ban has forced BJP to play different tunes in polls)

संबंधित बातम्या:

पश्चिम बंगालच्या रणधुमाळीतून गांधी कुटुंब दूर का?; भाजपला रोखण्यासाठी खेळी?

‘मला हिंदू धर्म शिकवू नका, मी हिंदू ब्राह्मणाची मुलगी’, ममता बॅनर्जींचा भाजपवर हल्लाबोल

मोदी बांगलादेशच्या दौऱ्यातून बंगाल, आसामचे सत्ता समीकरण साधणार?; वाचा, सविस्तर

(Not just CAA, even cow slaughter ban has forced BJP to play different tunes in polls)

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.