अभिनेता नसतो तर..; बॉलिवूड सुपरस्टार्स ‘या’ क्षेत्रात करत असते काम, काहींची तर भन्नाट उत्तरं

बॉलिवूड इंडस्ट्रीत काम करून अनेकांना पैसा, प्रसिद्धी मिळाली. काहींनी तर बॉलिवूडमध्ये असा जम बसवला की, त्यांची जागा कोणीच कधी घेऊ शकत नाही. परंतु या क्षेत्रात येण्यापूर्वी काहींची वेगळी स्वप्नं होती, तर काही जण वेगळ्या क्षेत्रात नोकरीसुद्धा करत होते. इंडस्ट्रीत येण्यामागची प्रत्येक कलाकाराची एक वेगळी कहाणी आहे. यात असेही काही कलाकार आहेत, जे अभिनयक्षेत्राव्यतिरिक्त इतर कुठल्याही ठिकाणी काम करत असल्याची स्वत:ची कल्पना करू शकत नाही. आपण या क्षेत्रासाठीच बनलोय, असं त्यांचं स्पष्ट मत आहे. अमिताभ बच्चन, जितेंद्र, कुमार सानू, सनी देओल, आमिर खान, अमरीश पुरी, अनुपम खेर यांसारख्या कलाकारांनी याबाबत आपलं मत मांडलंय. अभिनेता नसतो तर काय केलं असतं, या प्रश्नाचं त्यांनी काय उत्तर दिलंय, ते वाचा..

अमिताभ बच्चन – अभिनेता नसतो तर मी अलाहाबादमध्ये दूध विकत असतो.

टिन्नू आनंद- मी टॅक्सी ड्राइव्हर झालो असतो.

जितेंद्र- मी आयुष्यातील इतर सगळ्या गोष्टींमध्ये खूप वाईट आहे. मी कॉलेजमध्येही नापास होतो. मला बीएससीमध्ये 48 टक्क्यांपेक्षा जास्त गुण मिळू शकले नव्हते. त्यामुळे मी कोणत्या क्षेत्रात करिअर केलं असतं, हे मलाच माहीत नाही. मी या फिल्म इंडस्ट्रीचा खूप आभारी आहे की त्यांनी मला इथे स्वीकारलं आणि आपलंसं केलं.

कुमार सानू– मी याआधी तबलावादक होतो, त्यामुळे जर गायक झालो नसतो तर कदाचित तबलावादकच बनलो असतो.

सनी देओल- मी स्पोर्ट्समध्ये माझं नशीब आजमावलं असतं.

आमिर खान- मी कदाचित शिक्षक बनलो असतो.

अमरीश पुरी- अभिनयक्षेत्रात पदार्पण करण्याआधी मी सरकारी नोकरी करत होतो. त्यामुळे कदाचित तीच नोकरी मी पुढे केली असती.

गुलशन ग्रोवर- माझ्या मते मी तर मेलोच असतो. कारण मी फक्त चित्रपटांसाठीच बनलोय. जर मी या फिल्म इंडस्ट्रीत काम करू शकत नसलो किंवा अभिनेता नसतो तर मी जिवंतच राहू शकलो नसतो.

प्राण- अभिनयक्षेत्रात पदार्पण करण्यापूर्वी मी ‘टाइम्स ऑफ इंडिया’मध्येच कामाला होतो.

अनुपम खेर- मी कदाचित हाती काम नसलेला अभिनेता बनलो असतो.