‘धूम’मध्ये बिकीनी सीनपूर्वी इशा देओलची उडाली घाबरगुंडी, आई हेमा मालिनीकडून घ्यावी लागली होती परवानगी

मुंबई : सुप्रसिद्ध अभिनेत्री हेमा मालिनी (Hema Malini) यांची कन्या अभिनेत्री इशा देओलचे (Esha deol) फिल्मी करीअर फारसे चालले नाही. पण ‘धूम’चित्रपटातील तिच्या लूकमुळे बरीच चर्चा झाली होती. यशराज फिल्मच्या या चित्रपटात तिने बिकीनी घालून सीन्स दिले होते. आता अभिनेत्रीने तिच्या बिकिनी सीनबद्दल बोलताना सांगितले की, निर्माता-दिग्दर्शक आदित्य चोप्राने जेव्हा तिला 2004 मध्ये आलेल्या धूम या ॲक्शन फिल्मबद्दल सांगितले होते. आणि या चित्रपटात इशाला एक बिकिनी सीन करावा लागेल, असेही नमूद केले. तेव्हा होकार देण्यापूर्वी ईशाने त्याच्याकडे एक दिवसाचा वेळ मागितला. पहिले आई (हेमा मालिनी) हिची परवानगी घ्यावी लागेल असे इशाने सांगितले.

बिकिनी सीन करण्यापूर्वी ईशा देओल खूपच घाबरली होती. याबाबत तिने आई, हेमा मालिनीशी चर्चा केली. पण हेमा मालिनी यांची प्रतिक्रिया ईशाच्या विचारापेक्षा खूपच वेगळी होती. ईशाने सांगितले की हेमा मालिनी यांनी तिला सांगितले की, सीन चांगले शूट केले जातील, याची खात्री करून घे.

मी यापूर्वी बिकिनी घातली नव्हती असे नाही, असे इशा म्हणाली. सुट्टीत किंवा पोहताना तुम्ही स्विमसूट किंवा बिकिनी यापैकी काय घालाल? चित्रपटात बिकीनी घालायची आहे सांगितल्यानंतर, हेमा मालिनी यांची प्रतिक्रिया अशी होती की, ‘हो ते (बिकीनी) घाल की, त्यात काय एवढं? जेव्हा तुम्ही तुमच्या मित्र-मैत्रिणींसोबत बाहेर जाता किंवा सुट्टीसाठी जाता, तेव्हाही बिकीनी घालताच ना. मग चित्रपटात घातली तर काय झालं ? असं सांगत हेमा मालिनी यांनी इशाला पाठिंबा दिला.

ईशा देओलने ‘धूम’ चित्रपटासाठी खूप मेहनत घेतली होती. चित्रपटासाठी खास प्रशिक्षण घेतले. आदित्य चोप्राने तिला चित्रपटाचे शुटिंग व्यवस्थित करण्यासाठी 6 महिन्यांचा वेळ दिला होता. आदित्य चोप्राला या चित्रपटात ईशा देओलला एका खास पद्धतीने सादर करायचे होते.