लालबागच्या राजाला त्यावेळी फुटाणे द्यायलाही कुणी नसायचे, अभिनेत्रीने थेट सांगितलं सर्व..

काकस्पर्श सारख्या चित्रपटात धमाकेदार भूमिका साकारणारी अभिनेत्री सविता मालपेकर यांनी नुकताच लालबागच्या राजाबद्दल मोठे विधान केले. सविता मालपेकर यांनी आपल्या आतापर्यंतच्या करिअरमध्ये अनेक हीट चित्रपट दिली. गाढवाचं लग्न नाटकातील त्यांची भूमिका आजही लोकांच्या लक्षात आहे. सविता मालपेकर यांनी नुकताच तारांगणला मुलाखत दिली. या मुलाखतीमध्ये बोलताना त्यांनी आपल्या बालपणीच्या आठवणींना उजाळा दिला. त्यांचे आजोळ लालबाग काळाचाैकी असल्याचे सांगितले जाते. आईसोबत इथल्या गणपतीचे दर्शन घेण्यासाठी दरवर्षी न चुकता यायचे. त्यांनी पुढे म्हटले की, तेव्हा लालबाग राजाच्या इथे फुटाणे द्यायलाही कुणीच नसायच. मराठी अभिनेत्री सविता मालपेकर म्हणाल्या की, काळाचाैकीला सिताबाईची चाळ होती. त्याठिकाणी माझे मामा राहायचे.

ते माझे आजोळ होते. आजोबांची सोन्या चांदीची पेठी होती. लहानपणी आमची आई आम्हाला तिथे घेऊन यायची. तेव्हा इथेच रोज या रस्त्यावर आम्ही फिरायचो. इथे चोरगल्ली आहे. त्या चोरगल्लीतून आम्ही येत. आता तिथे लालबागचा मोठा राजा आहे… नमस्कार करायचा तिथे फुटाणे द्यायलाही कोणी नसायचे. गणेशगल्लीत मात्र, खूप जास्त गर्दी असायची.

इथे आता जी गर्दी दिसते ती नाही. उंच गणपती, देखावा, उंच उंच गणपती असायचे. अभिनेत्रीने आपल्या लहानपणाच्या आठवणींना उजाळा दिला. अभिनेत्री नक्की लहाणपणी लालबागमध्ये नक्की काय होते. वातावरण कसे होते हे सांगितले. मात्र, आता बदललेल्या गोष्टींवर बोलताना अभिनेत्री दिसली. लालबागच्या राजाच्या ठिकाणी नक्की काय होते, हे सांगताना अभिनेत्री दिसली आहे.

लालबागच्या राजाची एक वेगळीच क्रेझ बघायला मिळते. लोक 24 तास रांगेत उभे राहून लालबागच्या राजाचे दर्शन घेतात. मोठी गर्दी असते. लोक लांबून लांबून गणपती बाप्पाचे दर्शन घेण्यासाठी येतात. लहान लहान मुलांना घेऊन लोक कित्येक तास रांगेत बसतात. नवसाला पावणारा गणपती म्हणून लालबागच्या राजाची ओळख आहे. लोक वेगवेगळे नवस लालबागच्या राजापुढे बोलतात आणि नवस पूर्ण झाली की, राजाच्या दर्शनासाठी येतात.