India’s Got Latent : समयच्या शोमध्ये पाकिस्तानी हेरावरून जोक, अदनान सामीचा भन्नाट रिप्लाय

‘इंडियाज गॉट लॅटेंट’ (India’s Got Latent ) च्या पहिल्या सीझनप्रमाणेच याचा दुसराही सीझन चर्चेत आहे. त्यातील काही भागांतील विधानावरून शो, कधी त्यातील स्पर्धक तर कधी खुद्द समय रैना.. हे सगळे वादात सापडले. आता सध्या हा शो पुन्हा चर्चेत आला आहे. ‘इंडियाज गॉट लॅटेंट’ च्या नुकत्याच आलेल्या भागात अभिनेता आयुष्मान खुराना हा सहभागी झाला होता. ‘उड़ता तीर’ या चित्रपटाच्या प्रमोशनच्या निमित्ताने तो समय रैनाच्या शोमध्ये आला. हा चित्रपट आणि त्यातील भूमिकेसंदर्भात तो बोलला. ‘उडता तीर’ या चित्रपटाबाबत चर्चा सुरू असताना त्याच्या पाकिस्तानी गुप्तहेराच्या भूमिकेचा उल्लेख करण्यात आला आणि त्याचवेळी गायक अदनान सामीचंही नाव घेण्यात आलं आणि एकच हशा पिकला. मात्र आता यावर खुद्द गायकानेच कमेंट केली असून ती इंटनेरवर वेगाने व्हायरल झाली आहे.

खरंतर, आयुष्मान खुराना, कॉमेडियन कुल्लू, रजत सूद आणि मेंटलिस्ट सुहानी शाह हे पॅनलिस्ट म्हणून या शोमध्ये आले होते. या एपिसोडचा व्हिडीओ इंटरनेटवर बराच व्हायरल झाला आहे. त्यामध्ये आयुष्मान खुराना याला त्याच्या आगामी ‘उड़ता तीर’ या चित्रपटाबद्दल काही विचारण्यात आलं.

काय म्हणाला आयुष्मान खुराना ?

आपल्या या चित्रपटाबद्दल आयुष्मान भरभरून बोलला. ‘ हा भारतातला पहिला देशभक्तीपर कॉमेडी आणि स्पाय-कॉमेडी चित्रपट आहे. या चित्रपटात मी पाकिस्तानी गुप्तहेराची भूमिका साकारत आहे. तो ( गुप्तहेर) भारतात येतो आणि एका अपघातानंतर त्याची स्मरणशक्ती जाते. आपण भारतीय आहोत, असं त्याला वाटू लागतं. देशभक्ती तर त्याच्या लक्षात राहते, पण तो कोणत्या देशाचा रहिवासी आहे, हे तो विसरतो.’ असं आयुष्मानने सांगितलं.

मात्र त्याचं हे बोलणं ऐकल्यावर कुल्लू म्हणाला, ‘ ( म्हणजे) तो तर अदनान सामी आहे ‘ त्याचं हे बोलणं ऐकल्यावर तिथे उपस्थित असलेले सगळे लोकं हसू लागले.आता हा व्हिडीओ इंटरेनवर आला असून तो व्हायरल झाला आहे. विशेष म्हणजे गायक अदनान सामीने त्यावर मजेशीर प्रतिक्रिया दिली आहे.

View this post on Instagram

A post shared by India’s Got Latent (@indiasgotlatent)

अदनान सामी काय म्हणाला ?

यावर अदनान सामी यानेही कमेंट केली. “आधी माझ्याकडून ‘राइट्स’ घ्या आणि मग चित्रपट बनवा!!!” असं त्याने मजेशीर अंदाजात लिहिलं. त्याची ही कमेंट अनेकांना आवडली असून कित्येकांना हसू फुटलं.

गायक अदनान सामीला 2016 साली भारतीय नागरिकत्व मिळालं. यापूर्वी तो पाकिस्तानी नागरिक होता आणि त्याच्याकडे पाकिस्तानी पासपोर्ट होता.