Ameesha Patel | किसिंग – इंटिमेट सीनबद्दल अमीषा पटेल हिने सोडलं मौन; ‘या’ अभिनेत्याचं नाव घेत म्हणाली…

मुंबई | 25 ऑगस्ट 2023 : अभिनेत्री आमीषा पटेल सध्या तिच्या ‘गदर २’ सिनेमामुळे चर्चेत आहे. सिनेमा गेल्या १४ दिवसांपासून बॉक्स ऑफिसवर तगडी कमाई करताना दिसत आहे. १४ दिवसांत सिनेमाने ४१८.९० कोटी रुपयांचा गल्ला जमा केला आहे. तर जगभरात सिनेमाने ५३० कोटी रुपयांपर्यंत मजल मारली आहे. सध्या सर्वत्र सिनेमाच्या कमाईची चर्चा रंगत आहे. महत्त्वाचं म्हणजे ‘गदर २’ प्रदर्शित झाल्यानंतर आमीषा पुन्हा एकदा चर्चेत आली आहे. गेल्या अनेक वर्षांपासून अभिनेत्री बॉलिवूडपासून दूर होती. पण आता अभिनेत्रीच्या लोकप्रियतेत पुन्हा वाढ झाली आहे. दरम्यान आमीषा पटेल हिने केलेलं वक्तव्य देखील तुफान चर्चेत आलं आहे. अभिनेत्रीने किसिंग सीन आणि इंटिमेट सीनबद्दल मोठं वक्तव्य केलं आहे.

नुकताच झालेल्या मुलाखतीत आमीषा पटेल हिला ‘तुला इंडस्ट्रीमध्ये कोणती गोष्ट करायला आवडणार नाही..’ असा प्रश्न विचारण्यात आला. यावर अभिनेत्री म्हणाली, ‘ किसिंग सीन, इंटिमेट सीन आणि छोटे कपडे घालायला मला आवडणार नाही.. यागोष्टीच्या विरोधात आहे मी…’ असं देखील आमीषा म्हणाली. ( Ameesha Patel love life)

‘इंटिमेट, किसिंग सीन करताना मला अवघडल्यासारखं होतं. म्हणून मी असं कधीही करणार नाही. मी एका चौकटीत राहून काम करते.’ यावेळी आमीषा हिने बॉलिवूडच्या एका प्रसिद्ध अभिनेत्याचं उदाहरण देत मोठं वक्तव्य केलं आहे. ‘सलमान खान देखील कधीच ऑनस्क्रिन किसिंग सीन देत नाही..’ सध्या सर्वत्र आमीषा पटेल हिच्या वक्तव्याची चर्चा रंगत आहे.

आमीषा पटेल हिच्याबद्दल सांगायचं झालं तर, अभिनेत्री सध्या ‘गदर २’ सिनेमामुळे चर्चेत आहे. ‘गदर’ सिनेमा २००१ मध्ये प्रदर्शित झाला होता. तेव्हा देखील चाहत्यांनी अभिनेते सनी देओल आणि आमीषा पटेल यांच्या जोडीला डोक्यावर घेतलं होतं. ‘गदर’ सिनेमाचा सिक्वल चाहत्यांना आवडत आहे. चाहत्यांमध्ये आजही सनी देओल यांची क्रेझ दिसत आहे.

‘गदर २’ सिनेमाची आतापर्यंतची कमाई

‘गदर २’ सिनेमाने पहिल्या आठवड्यात २८४.६३ कोटी रुपयांची कमाई केली. आठव्या दिवशी सिनेमाने २०.५ कोटी रुपये, नवव्या दिवशी ३१ कोटी रुपये, दाहव्या दिवशी ३८.९ कोटी रुपये, आकराव्या दिवशी १३.५० कोटी रुपये, बाराव्या दिवशी १२.१० कोटी रुपये आणि तेराव्या दिवशी सिनेमाने १० कोटी रुपयांची कमाई केली आहे. अशात सिनेमा ‘पठाण’ सिनेमाचा रेकॉर्ड ब्रेक करु शकतो की नाही हे पाहणं महत्त्वाचं ठरणार आहे.