अभिषेक – ऐश्वर्या यांच्या घटस्फोटाच्या चर्चा, अमिताभ बच्चन म्हणाले, ‘सर्वकाही बोलून झालंय, आणि….’

मुंबई | 10 डिसेंबर 2023 : गेल्या काही दिवसांपासून अभिनेता अभिषेक बच्चन आणि अभिनेत्री ऐश्वर्या राय यांच्या घटस्फोटाच्या चर्चांना उधाण आलं आहे. घटस्फोटाच्या चर्चा रंगल्यानंतर अनेक ठिकाणी ऐश्वर्या लेक आराध्या हिच्यासोबत स्पॉट झाली. दरम्यान, महानायक अमिताभ बच्चन यांचा नातू अगस्त्य नंदा यांच्या पहिल्या सिनेमाच्या स्क्रिनिंगवेळी संपूर्ण बच्चन कुटुंबाला एकत्र स्पॉट करण्यात आलं. पण तेव्हा जया बच्चन आणि श्वेता बच्चन – नंदा सतत ऐश्वर्या हिच्याकडे पाठ फिरवताना दिसल्या.. अशी चर्चा देखील चाहत्यांमध्ये रंगली… एवढंच नाही तर, सिनेमाच्या स्किनिंगनंतर बिग बी यांनी सून ऐश्वर्या हिला इन्स्टाग्रामवरुन अनफॉलो केल्याची देखील चर्चा रंगली. आता बिग बी यांची एक सोशल मीडियावर पोस्ट तुफान व्हायरल होत आहे.

अमिताभ बच्चन यांनी इन्स्टाग्रामवरुन ऐश्वर्या हिला अनफॉलो केल्याची चर्चा रंगत असताना, बिग बी यांनी एक ट्विट केलं आहे. बिग बी यांच्या एका ट्विटमुळे चाहत्यांमध्ये खळबळ माजली आहे. सोशल मीडियावर अमिताभ बच्चन यांनी स्वतःचा एक फोटो पोस्ट केला आहे. फोटो पोस्ट करत अमिताभ बच्चन यांनी लिहिलेल्या कॅप्शनमुळे चाहते देखील हैराण झाले आहेत.

स्वतःचा फोटो पोस्ट करत अमिताभ बच्चन म्हणाले, ‘सर्वकाही बोलून झालं आहे, सर्वकाही करुन देखील झालं आहे…, जे करायचं होतं, ते केलं.. जे केलं ते आता केलं…’, अमिताभ बच्चन यांच्या पोस्टमुळे सर्वत्र चर्चांना उधाण आलं आहे. बच्चन कुटुंबत सध्या वाद सुरु असल्यामुळे बिग बी यांनी अशी पोस्ट केली… असं चाहत्यांचं म्हणणं आहे. पण यावर बच्चन कुटुंबातील एकाही सदस्याने अधिकृत वक्तव्य केलेलं नाही.

अमिताभ बच्चन यांच्या इन्स्टाग्रामबद्दल सांगयचं झालं तर, बिग बी इन्स्टाग्रामवर जवळपास 74 लोकांना फॉलो करतात. ज्यामध्ये सलमान खान, अभिषेक बच्चन, कतरिना कैफ, आलिया भट्ट, दीपिका पादुकोण, विराट कोहली, श्वेता बच्चन नंदा, नव्या नवेली नंदा, प्रियंका चोप्रा, तापसी पन्नू, अहाना कुमरा, कुणाल खेमू, शिल्पा शेट्टी आणि अरमान मलिक यांसारख्या सेलिब्रिटींना फॉलो करतात..

दरम्यान, बिग बी सून ऐश्वर्या राय हिला फॉलो करायचे की नाही? याबद्दल काही कळू शकलं नाही. ऐश्वर्या हिच्याबद्दल सांगायचं झालं तर, ऐश्वर्या इन्स्टाग्रामवर फक्त एका व्यक्तीला फॉलो करत. ऐश्वर्या इन्स्टाग्रामवर पती आणि अभिनेता अभिषेक बच्चन याला फॉलो करते.