अंकिता लोखंडेनं मोडला ‘बिग बॉस’च्या घरातील सर्वांत मोठा नियम; काय होणार शिक्षा?
अभिनेत्री अंकिता लोखंडेकडून बिग बॉसच्या घरात एक मोठी चूक झाली आहे. या चुकीची शिक्षा बिग बॉसने कॅप्टनला ठरवायला सांगितली आहे. त्यामुळे कॅप्टन मुनव्वर फारुखी तिच्याबद्दल कोणता निर्णय घेतो, हे पाहणं औत्सुक्याचं ठरणार आहे.
मुंबई : 14 डिसेंबर 2023 | बिग बॉसच्या घरात अभिनेत्री अंकिता लोखंडे आणि तिचा पती विकी जैन यांना विशेष सुविधा मिळत असल्याची तक्रार याआधीही इतर स्पर्धकांनी केली होती. आता नुकत्याच एका एपिसोडमध्ये अंकिताने बिग बॉसच्या घरातील मोठा नियम मोडला आहे. त्यामुळे आता अंकितावर कोणती कारवाई करायची किंवा तिला कोणती शिक्षा द्यायची याचा निर्णय मुनव्वर फारुखीने घेण्याचे आदेश बिग बॉसने दिले आहेत. बुधवारी बिग बॉसचा नवीन प्रोमो सोशल मीडियावर पोस्ट करण्यात आला. बिग बॉसच्या घरात जे डॉक्टर अंकितावर उपचार करण्यासाठी आले होते, त्यांच्याकडून तिने घराबाहेरची माहिती घेतल्याचा खुलासा या प्रोमोमध्ये झाला. त्यानंतर बिग बॉस मुनव्वरला थेरपी रुममध्ये बोलावतात आणि त्याला डॉक्टर-अंकितामधील संवादाचा रेकॉर्डिंग दाखवतात. बिग बॉसच्या घरातील मोठा नियम मोडल्याप्रकरणी अंकितावर काय कारवाई करायची याचा निर्णय तू घे, असंही ते मुनव्वरला सांगतात.
या प्रोमोवर नेटकऱ्यांकडून विविध प्रतिक्रिया येत आहेत. अंकिताला शिक्षा देण्याचा अधिकार मुनव्वरला दिल्याच्या निर्णयाला काही नेटकऱ्यांनी विरोध केला आहे. तर काहींनी अंकिताला तिच्या वागणुकीवरून ट्रोल केलंय. ‘बिग बॉसच्या घरातील या सर्वांत फेक महिलेला कॅप्टनने काढून टाकावं’, असं एकाने लिहिलं. तर ‘आता निर्माते उघडपणे मुनव्वरची बाजू घेत आहेत’, असं दुसऱ्याने म्हटलंय. ‘वाईट कल्पना आहे ही. सर्वांत आधी बिग बॉसने तिला ही खास सुविधा दिलीच पाहिजे नव्हती’, असंही अनेकजण म्हणत आहेत.
View this post on Instagram
बिग बॉसच्या घरात पहिल्यांदाच कॅप्टन्सीसाठी टास्क पार पडला होता. या टास्कमध्ये मुनव्वर फारुकीने मन्नारा चोप्राला हरवलं होतं. कॅप्टन बनताच मुनव्वरने सर्वांत आधी स्पर्धकांचे रुम्स बदलले आणि सर्व रुम्समध्ये खाण्यापिण्याचं सामान एकाच प्रमाणात वाटलं जावं, असा निर्णय घेतला. या आठवड्यात नील भट्टसोबतच खानजादी, विकी जैन आणि अभिषेक कुमार यांना नॉमिनेट करण्यात आलं आहे. या चौघांपैकी कोणाचा बिग बॉसच्या घरातील प्रवास संपणार, हे पाहणं औत्सुक्याचं ठरणार आहे.
