Bigg Boss 17 Grand Finale : मुनव्वर, मन्नारा नाही तर, ‘या’ दोन स्पर्धकांमध्ये असणार ‘कांटे की टक्कर’
Bigg Boss 17 Grand Finale : सर्वांना वाटतं मुनव्वर फारुकी होणार 'बिग बॉस 17' चा विजेता, पण असं काहीही नाही... 'या' दोन स्पर्धकांमध्ये असणार 'कांटे की टक्कर' असण्याची शक्यता... सर्वत्र फक्त आणि फक्त 'बिग बॉस 17' ची चर्चा...
Bigg Boss 17 Grand Finale : ‘बिग बॉस 17’ शोचा विजेता घोषित होण्यासाठी काही तास फक्त शिल्लक आहेत. वेळ जशी जवळ येत आहे, तशी चाहत्यांची उत्सुकता देखील शिगेला पोहोचली आहे. शोच्या विजेत्याचं नशीब जनता ठरवणार आहे. तर अभिनेता आणि ‘बिग बॉस 17’ शोचा होस्ट सलमान खान विजेत्याच्या नावाची घोषणा करणार आहे. अंकिता लोखंडे, मुनव्वर फारुकी, मन्नारा चोप्रा, अरुण माशेट्टी आणि अभिषेक कुमार ‘बिग बॉस 17’ चे टॉप 5 स्पर्धक आहेत. पण सर्वत्र फक्त आणि फक्त मुनव्वर आणि मन्नारा यांच्या नावाची घोषणा होत आहे. तर मुनव्वर ‘बिग बॉस 17’ ची ट्रॉफी घरी घेऊन जाईल अशी देखील चर्चा रंगत आहे.
सध्या सर्वत्र फक्त आणि फक्त जर-तरचा खेळ सुरु आहे. पण आता जी यादी समोर येत आहे, त्यामध्ये मुनव्वर अव्वल स्थानी नसल्याचं दिसत आहे. सध्या सर्व स्पर्धकांमध्ये कांटे की टक्कर पाहायला मिळत आहे. पण आता 5 स्पर्धांमध्ये 2 स्पर्धकांची नावे टॉपला आहेत. सध्या त्या दोन स्पर्धकांच्या नावाची तुफान चर्चा रंगली आहे.
शनिवारी आलेल्या माहितीनुसार, मुनव्वर पहिल्या, अभिषेक दुसऱ्या, अंकिता तिसऱ्या, मनारा चौथ्या आणि अरुण पाचव्या क्रमांकावर होते. पण आता ‘बिग बॉस तक’ पेजने शेअर केलेल्या माहितीनुसार मुनव्वरचे नाव टॉप 2 मध्ये देखील नाही. ‘बिग बॉस तक’नुसार ‘बिग बॉस 17’ शोसाठी अभिषेक कुमार (Abhishek Kumar) आणि अंकिता लोखंडे (Ankita Lokhande) यांच्यामध्ये कांटे की टक्कर असल्याची चर्चा रंगली आहे. त्यामुळे मुनव्वर याचे चाहते निराश झाले आहेत.
मुनव्वर याच्या चाहत्यांची संख्या फार मोठी आहे. सोशल मीडियावर देखील मुनव्वर याचे व्हिडीओ तुफान व्हायरल होत असतात. ‘बिग बॉस 17’ च्या घरात असताना मुनव्वर याच्या खासगी आणि प्रोफेशनल आयुष्याबद्दल अनेक चर्चा रंगल्या… आता चाहते फक्त ‘बिग बॉस 17’ शोच्या विजेत्याच्या प्रतीक्षेत आहेत.
कधी आहे ‘बिग बॉस 17’ ग्रॅन्ड फिनाले?
‘बिग बॉस 17’ ग्रॅन्ड फिनाले रविवारी संध्याकाळी 6 वाजता सुरु होणार आहे. रात्री 12 वाजे पर्यंत कार्यक्रम रंगणार आहे. रात्री 12 नंतर सलमान खान ‘बिग बॉस 17’ विजेत्याची घोषणा करणार आहे. बिग बॉस 17 चा ग्रँड फिनाले चाहते आज संध्याकाळी सहापासून कलर्स टीव्हीवर पाहू शकता. याशिवाय जिओ सिनेमा या ॲपवरही तुम्हाला पाहता येणार आहे. जिओ सिनेमावर तुम्हाला ग्रँड फिनाले मोफत पाहाता येणार आहे.
