Bigg Boss 18: सदावर्ते यांना ‘या’ देशातून जीवेमारण्याची धमकी, चौकशीत धक्कादायक माहिती समोर

‘बिग बॉस 18’ चे सदस्य आणि वकील गुणरत्न सदावर्ते यांनी बिग बॉसच्या घरात फार मोठा दावा केला आहे. जेव्हा बिग बॉस स्पर्धक म्हणून सदावर्ते यांच्या नावाची घोषणा झाली तेव्हा त्यांना कराची (पाकिस्तान) मधून धमकीचा फोन आला होता. ‘बिग बॉस’ मधील इतर सदस्यांना जेव्हा सदावर्ते फोनबद्दल सांगत होते. तेव्हा त्यांनी अंडरवर्ल्ड डॉन दाऊद इब्राहिम याचं नाव देखील घेतलं. ज्यामुळे ‘बिग बॉस’ च्या घरातील प्रत्येक जण थक्क झाला…

गुणरत्न सदावर्ते म्हणाले, ‘कधी – कधी तुमच्या आयुष्यात अनेक दुःख येतात. कालचीच गोष्ट मी तुम्हाला सांगतो. जेव्हा बिग बॉससाठी या लोकांना लीक केलं नव्हतं की मी येत आहे. पण जेव्हा माझ्या नावाची घोषणा झाली मी बिग बॉसमध्ये पोहोचलो आहे. तेव्हा बरोबर 8.30 वाजता मला कराची येथून धमकीचा फोन आला. आता याप्रकरणी तक्रार दाखल करण्यात आली आहे.’

सांगायचं झालं तर, सदावर्ते यांना दाऊद इब्राहिम याचं देखील नाव घेतलं. पण काही शब्द म्यूट करण्यात आले आहेत. ज्यामध्ये सदावर्ते यांनी दाऊदचं नाव घेतलं आहे. यावेळी सदावर्ते यांनी तुरुंगात असताना घडलेली घटना देखील सांगितली.

सदावर्ते म्हणाले, ‘मी तुरुंगात होतो. मला जामिन मंजूर झाला नव्हता. एका पोलीस अधिकारी मला घेवून जाण्यासाठी आला होता. त्या दिवशी माझा एन्काउंटर ठरलेला होता. तुरुंगात एक आरएसएसचा व्यक्ती होता. डॉक्टर होता तो… मी त्याला म्हणालो 2.30 माझी सुनावणी आहे. तुम्ही मला 4 वाजेपर्यंत काहीही करुन तुरुंगात थांबवून ठेवा.’

‘मी, कंगना रणौत आणि अर्नब गोस्वामी आम्ही खूप स्ट्रगल केलं आहे. आम्ही अनेक गोष्टींचा सामना केला आहे.’ असं देखील सदावर्ते म्हणाले. सांगायचं झालं तर, सदावर्ते बिग बॉसच्या घरात स्वतःबद्दल अनेक गोष्टी सांगताना दिसत आहे.

पोलिसांनी दिली माहिती

भोईवाडा पोलीस अधिकाऱ्यांनी दिलेल्या माहितीनुसार, गुणरत्न सदावर्ते यांच्या पत्नीने शनिवारी पोलिसांसोबत संपर्क साधत सदावर्ते यांनी जीवेमारण्याची धमकी मिळाल्याचा दावा केला. याप्रकरणी पोलिसांनी चौकशी केली आहे. तपासात फोन करणाऱ्या व्यक्तीचं नाव राहिल असं आहे. आता याप्रकरणी कसून चौकशी व्हायला हवी अशा मागणी सर्वत स्तरातून होत आहे.