Abhishek Malhan | चाहतेच ठरतायत डोकेदुखी; ‘फुकरा इन्सान’च्या कारवर जमावाचा हल्ला, आई नाराज

'बिग बॉस ओटीटी 2'च्या ग्रँड फिनालेपर्यंत पोहोचलेला प्रसिद्ध युट्यूबर अभिषेक मल्हान याच्यावर त्याचेच चाहते भारी पडले आहेत. अभिषेकची भेट घेण्यासाठी आलेल्या चाहत्यांनी त्याच्या महागड्या गाडीची तोडफोड केली.

Abhishek Malhan | चाहतेच ठरतायत डोकेदुखी; 'फुकरा इन्सान'च्या कारवर जमावाचा हल्ला, आई नाराज
Abhishek MalhanImage Credit source: Instagram
Follow us
| Updated on: Sep 01, 2023 | 3:14 PM

मुंबई | 1 सप्टेंबर 2023 : सलमान खानच्या ‘बिग बॉस ओटीटी 2’मध्ये स्पर्धक म्हणून सहभागी झालेला प्रसिद्ध युट्यूबर आणि सोशल मीडिया इन्फ्लुएन्सर अभिषेक मल्हान ऊर्फ फुकरा इन्सान सध्या जिया शंकरसोबतच्या एका प्रोजेक्टमुळे चर्चेत आहे. अभिषेक, जिया शंकर आणि बिग बॉसचा विजेता एल्विश हे तिघं या नव्या प्रोजेक्टमध्ये एकत्र झळकणार असल्याचं कळतंय. यादरम्यान अभिषेकच्या कारवर अज्ञात लोकांनी हल्ला केल्याची माहिती समोर येत आहे. अभिषेकच्या कारची तोडफोड करण्यात आली आहे. याप्रकरणी आता बिग बॉस ओटीटीची माजी स्पर्धक बेबिका धुर्वे त्याच्या मदतीला धावून आली आहे. बेबिकाने तिच्या इन्स्टाग्राम स्टोरीमध्ये अभिषेक मल्हानच्या कारप्रकरणाची पोस्ट शेअर केली आहे.

‘मी नुकतीच एक पोस्ट वाचली आहे. काही हेटर्सनी मिळून अभिषेकच्या कारची तोडफोड केली आहे. हे सर्व पाहून मी खूप नाराज आहे. बिग बॉसचे स्पर्धक विनाकारण द्वेषाचा सामना करत आहेत. विशेषकरून अभिषेक. त्याने प्रेक्षकांच्या मनात विशेष स्थान निर्माण केलं आहे. कृपया त्याच्याविरोधात द्वेष पसरवू नका. सर्वजण शो संपल्यानंतर आपापल्या आयुष्यात चांगलं काहीतरी करत आहेत. कृपया तुम्हीसुद्धा प्रेम आणि आनंदाने वागा’, असं तिने लिहिलं आहे.

हे सुद्धा वाचा

चाहतेच पडले भारी

अभिषेक मल्हानवर त्याची स्वत:चीच फॅन फॉलोईंग भारी पडल्याचं म्हटलं जात आहे. बिग बॉस ओटीटीच्या दुसऱ्या सिझनमध्ये भाग घेतल्यानंतर त्याचा चाहतावर्ग मोठ्या प्रमाणात वाढला. अभिषेकची भेट घेण्यासाठी काहीजण त्याच्या घरी पोहोचले होते. यावेळी त्याच्याशी भेट होऊ न शकल्याने त्यांनी घराची सुरक्षाभिंत ओलांडून कारवर हल्ला केला. या घटनेबद्दल अभिषेकची आई डिंपल यांनीसुद्धा तीव्र नाराजी व्यक्त केली. “मी त्यांना खूप समजावण्याचा प्रयत्न केला, मात्र त्यांनी माझं ऐकलं नाही. अभिषेक घरी नाही, हे मी त्यांना वारंवार सांगत होते”, असं त्या म्हणाल्या.

अभिषेकची कमाई

युट्यूबवर अभिषेकचा खूप मोठा चाहतावर्ग असून त्याच्या चॅनलचे सध्या 7.43 दशलक्ष फॉलोअर्स आहेत. युट्यूबच्या रेव्हेन्यू चार्टनुसार, एखादा युट्यूबर विविध स्रोतांमधून कमाई करू शकतो. त्यापैकीच मुख्य स्रोत म्हणजे अर्थातच जाहिराती. जाहिरातींच्या माध्यमातून त्याला प्रत्येक हजार व्ह्यूजसाठी जवळपास 3 (248 रुपये) ते 5 डॉलर (414 रुपये) मिळतात. याशिवाय तो चॅनल सबस्क्रिप्शन, स्वत:चा ब्रँडेड व्यापार यातूनही कमाई करतो.

Non Stop LIVE Update
पुणे विद्यापीठावर मनसेचा मोर्चा, मुलाला आईची साथ; मागण्या नेमक्या काय?
पुणे विद्यापीठावर मनसेचा मोर्चा, मुलाला आईची साथ; मागण्या नेमक्या काय?.
भाजप आमदार राजेंद्र पाटणी यांचं निधन, उपचारादरम्यान घेतला अखेरचा श्वास
भाजप आमदार राजेंद्र पाटणी यांचं निधन, उपचारादरम्यान घेतला अखेरचा श्वास.
मोदींचा फोटो लावून जिंकायचे पण आता कळेल....फडणवीसांचं ठाकरेंना आव्हान
मोदींचा फोटो लावून जिंकायचे पण आता कळेल....फडणवीसांचं ठाकरेंना आव्हान.
बीड लोकसभा कोण लढवणार? प्रीतम की पंकजा मुंडे कोण उतरणार मैदानात?
बीड लोकसभा कोण लढवणार? प्रीतम की पंकजा मुंडे कोण उतरणार मैदानात?.
पुण्यात हवा कुणाची? कुणाविरूद्ध कोण लढणार? कुणाची नावं आघाडीवर?
पुण्यात हवा कुणाची? कुणाविरूद्ध कोण लढणार? कुणाची नावं आघाडीवर?.
जरांगेंना फक्त शरग पवारांचा फोन अन् त्यांनाच ते., कुणाचे सनसनाटी आरोप?
जरांगेंना फक्त शरग पवारांचा फोन अन् त्यांनाच ते., कुणाचे सनसनाटी आरोप?.
जीवाला जीव देणारे शिवसैनिक..., ठाकरे यांची मनोहर जोशींना श्रद्धांजली
जीवाला जीव देणारे शिवसैनिक..., ठाकरे यांची मनोहर जोशींना श्रद्धांजली.
राजकारणातला सुसंस्कृत चेहरा, कडवट अन्..शिंदेंकडून जोशींना श्रद्धांजली
राजकारणातला सुसंस्कृत चेहरा, कडवट अन्..शिंदेंकडून जोशींना श्रद्धांजली.
बाळासाहेबांचं 'ते' स्वप्न मनोहर जोशींच्या रूपाने पूर्ण झाल - राज ठाकरे
बाळासाहेबांचं 'ते' स्वप्न मनोहर जोशींच्या रूपाने पूर्ण झाल - राज ठाकरे.
शिवसेनेचे निष्ठावंत नेते मनोहर जोशींचं निधन, 86व्या वर्षी अखेरचा श्वास
शिवसेनेचे निष्ठावंत नेते मनोहर जोशींचं निधन, 86व्या वर्षी अखेरचा श्वास.