Bigg Boss 20 मध्ये भाजप खासदाराच्या लेकीची धमाकेदार एन्ट्री, त्याआधी काय घडलं?
Bigg Bosss 20 : 'बिग बॉस 20' रविवार म्हणजे 6 सप्टेंबर पासून सुरु होणार आहे. अशात यंदाच्या सिझनमध्ये कोणते स्पर्धक आहेत, हे पाहण्यासाठी प्रेक्षक देखील उत्सुक आहेत. समोर येत असलेल्या माहितीनुसार, यंदाच्या सिझनमध्ये भाजप खासदाराच्या लेकीची एन्ट्री होणार आहे, त्याचा व्हिडीओ देखील व्हायरल होत आहे.
Bigg Bosss 20 : अभिनेता सलमान खान याचा लोकप्रिय आणि वादग्रस्त शो ‘बिग बॉस 20’ आज पासून प्रेक्षकांना पाहता येणार आहे. शो पुन्हा नव्याने सुरु होणार असल्यामुळे प्रेक्षकांची उत्सुकता शिगेला पोहोचली आहे. शोचा प्रीमियर 6 सप्टेंबर रोजी ‘कलर्स टीव्ही’ आणि ‘जिओहॉटस्टार’ (JioHotstar) वर होणार आहे. याचे काही फोटो आणि व्हिडीओ सोशल मीडियावर व्हायरल होत आहे. अशात, निर्माते शोमधील स्पर्धकांची नावे एकामागून एक जाहीर करत आहेत. आता, भोजपुरी सुपरस्टार आणि भाजप खाजदार मनोज तिवारी यांची मुलगी रीती तिवारी हिने ‘बिग बॉस 20’ मध्ये धमाकेदार एन्ट्री केली आहे.
लेकीला बिग बॉसच्या घरात सोडण्यासाठी पोहोचले मनोज तिवारी?
जियो हॉटस्टारने ‘बिग बॉस 20’ शो चा नवीन प्रोमो शेअर केला आहे. जेथे रीती हिला सोडण्यासाठी मनोज तिवारी आले. ‘रिंकिया के पापा’ गाणं गात त्यांनी स्टेजवर प्रवेश केला. त्यानंतर सलमान खान म्हणतो, ‘मी आता तथास्तू बोललो तर तुम्ही विचार कराय या शोमध्ये दोन वेळा येऊ शकतो…’, यावर मनोज तिवारी म्हणाले, ‘मी माझ्या लेकीला बिग बॉसच्या घरात सोडायला येणार आहे…’, सध्या व्हिडीओ व्हायरल होत आहे.
View this post on Instagram
