Aashram 4 : कधी प्रदर्शित होणार ‘आश्रम 4’? बॉबी देओल याचा व्हिडीओ पाहून म्हणाल…

मुंबई | 16 फेब्रुवारी 2024 : अभिनेता बॉबी देओल स्टारर ‘आश्रम’ सीरिजला चाहत्यांनी भरभरुन प्रेम दिलं. ‘आश्रम’ सीरिजचे तीन सीझन यशस्वी ठरल्यानंतर ‘आश्रम 4’ सीरिज लवकरच चाहत्यांच्या भेटीस येणार आहे. सीरिजमध्ये बाबा निराला भूमिकेला न्याय देत बॉबी देओल याने चाहत्यांच्या मनावर राज्य केलं. आता पुन्हा बॉबी ‘आश्रम 4’ सीरिजच्या माध्यमातून लवकरच चाहत्यांच्या भेटीस येणार आहे. सीरिजच्या तिसऱ्या सिझननंतर चाहते चौथ्या सीझनच्या प्रतीक्षेत होते.

रिपोर्ट्सनुसार, ‘आश्रम 4’ या वर्षाच्या अखेरीस म्हणजेच डिसेंबरमध्ये रिलीज होणार आहे. याचा अर्थ लवकरच बॉबीच्या चाहत्यांना बाबा निरालाच्या कारनाम्यांचे रहस्य उलगडताना पाहायला मिळणार आहे. सध्या सर्वत्र फक्त आणि फक्त ‘आश्रम 4’ सीरिजची चर्चा रंगली आहे.

View this post on Instagram

A post shared by Bobby Deol (@iambobbydeol)

‘आश्रम 4’ सीरिजची चर्चा रंगलेली असताना बॉबी देओल याने इन्स्टाग्रामवर एक व्हिडीओ पोस्ट केला आहे. व्हिडीओ पोस्ट करत अभिनेत्याने कॅप्शनमध्ये, ‘बाबा अंतर्यामी आहे. त्याला तुमच्या मनातील गोष्टी कळतात… म्हणून #Aashram3 च्या एपिसोडसोबत #Aashram4 ची एक झलक समोर आणली आहे.’ असं लिहित #Aashram4 #TeaserOutNow हॅशटॅग देखील दिले आहेत.

दिग्दर्शक प्रकाश झा यांची लोकप्रिय सीरिज ‘आश्रम 1’ 28 ऑगस्ट 2020 रोजी कोरोना काळात प्रदर्शित झाली. पहिल्या सीझनमध्ये एकूण 9 भाग होते. यानंतर लगेचच त्याच वर्षी ‘आश्रम 2’ प्रदर्शित झाला. दुसऱ्या सीझनमध्येही एकूण 9 एपिसोड होते आणि या सीझनने लोकांना खूप आश्चर्यचकित केलं. तर ‘आश्रम सीरिज 3’ मोठ्या अंतरानंतर रिलीज झाली, 3 जून 2022 रोजी रिलीज झाली. आता ‘आश्रम 4’ च्या प्रतीक्षेत चाहते आहेत.

‘आश्रम 4’ सीरिज याच वर्षी प्रदर्शित होईल असं देखील सांगण्यात येत आहे. पण ‘आश्रम 4’ सीरिजच्या रिलिज डेटबद्दल निर्मात्यांकडून कोणतीही घोषणा करण्यात आलेली नाही. एवढंच नाही तर, कोणी अधिकृत घोषणा देखील करण्यात आलेली नाही.