Shah Rukh khan | २२ वर्षांपूर्वी आर्यन खान याने केलीये वडिलांसोबत स्क्रिन शेअर; किंग खानच्या सिनेमातील ‘हा’ सीन नक्की पाहा
२२ वर्षांपूर्वी 'या' सिनेमात झळकला आर्यन खान; विश्वास बसत नसेल तर किंग खानच्या सिनेमातील एक सीन नक्की पाहा... तुम्हालाही आठवतील जुने क्षण
मुंबई : 90 च्या दशकातील काळ हा तरुण पिढी कधीच विसरू शकत नाही. शाहरुख खान, सलमान खान, काजोल, जुही चावला… अशा एकापेक्षा एक कलाकारांमुळे ९० च्या दशकातील सिनेमे हिट ठरले आण आजही चाहते तितक्यात आवडीने ९० च्या दशकातील सिनेमे पाहतात. सिनेमांसह गाण्यांचा अनुभव देखील फार वेगळा होता. ९० च्या दशकात सिनेमांमध्ये बाल कलाकार म्हणून भूमिका साकारणारे कलाकार आता मोठे झाले आहे. त्यांचे फोटो आणि व्हिडीओ सोशल मीडियावर तुफान व्हायरल होत असतात. शिवाय अनेक बाल कलाकारांनी बॉलिवूडमध्ये मुख्य भूमिकेत पदार्पण केलं आहे. महत्त्वाची गोष्ट म्हणजे २२ वर्षांपूर्वी अभिनेता शाहरुख खान याचा मुलगा आर्यन खान याने देखील वडिलांसोबत स्क्रिन शेअर केली.
शाहरुख आणि आर्यन खान यांनी ज्या सिनेमात स्क्रिन शेअर केली, त्या सिनेमाचं नाव आहे ‘कभी खुशी कभी गम…’ २००१ साली प्रदर्शित झालेल्या सिनेमाने चाहत्यांचं मनोरंजन केलं. सिनेमात शाहरुख खान याने राहुल ही भूमिका साकारली होती. सिनेमात काही सेकंदांसाठी शाहरुख खान याचं बालपन दाखवण्यात आलं होतं. तेव्हा आर्यन खान याने सिनेमात लहान राहुलची भूमिका साकारली होती.
अभिनेत्या जया बच्चन यांच्यासोबत आर्यनचा फार लहान सीन होता. पण त्या लहान मुलाच्या स्माईलने चाहत्यांचं मनोरंजन केलं. तेव्हा देखील आर्यन खान याची चर्चा तुफान रंगली. सध्या सिनेमातील एक सीन सोशल मीडियावर तुफान व्हायरल होत आहे. व्हिडीओवर चाहत्यांच्या लाईक्स आणि कमेंटचा वर्षाव होत आहे.
View this post on Instagram
लहानपणी ‘कभी खुशी कभी गम…’ सिनेमातच नाही तर आर्यन खान याने ‘लॉयन किंग’ सिनेमाला देखील स्वतःचा आवाज दिला आहे. आर्यनचा आवज ऐकल्यानंतर तुम्ही म्हणाला, ‘हा आवाज तर शाहरुख खान याच्यासारखातच आहे….’ सध्या सर्वत्र आर्यन खान आणि शाहरुख खान याची चर्चा आहे.
‘कभी खुशी कभी गम…’ या सिनेमाबद्दल सांगायचं झालं तर, सिनेमात अनेक मोठ्या सेलिब्रिटींनी एकत्र स्क्रिन शेअर केली. अमिताभ बच्चन, जया बच्चन, हृतिक रोशन, काजोल आणि करीना कपूर यांनी देखील सिनेमात महत्त्वाची भूमिका साकारली. सिनेमा प्रसिद्ध कुटुंबावर आधारलेला होता.
आर्यन खान याच्याबद्दल सांगायचं झालं तर, किंग खान याचा मुलगा अभिनेता नसला तरी त्याच्या चाहत्यांची संख्या फार मोठी आहे. आर्यन हा दिग्दर्शक आणि लेखक म्हणून इंडस्ड्रीमध्ये स्वतःची ओळख तयार करणार आहे. पण बॉलिवूडमध्ये पदार्पण करण्यापूर्वी आर्यन खान याने स्वतःचा व्यवसाय सुरु केला आहे. आर्यन खान याच्या क्लोदिंग ब्रॅन्डचं नाव D yavol.x असं आहे.
