Sunny Deol | बंगल्याच्या लिलावाच्या नोटीसमधून मोठं सत्य समोर; काय आहे सनी रहस्य?

मुंबई | 22 ऑगस्ट 2023 : अभिनेते सनी देओल सध्या ‘गदर २’ सिनेमाच्या यशाचा आनंद घेत आहेत. ‘गदर २’ सिनेमाने ११ दिवशी फक्त १४ कोटी रुपयांची कमाई केली आहे. अशात अभिनेते सनी देओल स्टारर ‘गदर २’ सिनेमाने आतापर्यंत ३८९.१० कोटी रुपयांची कमाई केली आहे. सनी देओल फक्त त्यांच्या सिनेमामुळे नाही तर, गेल्या काही दिवसांपासून खासगी आयुष्यामुळे देखील चर्चेत आहेत. अभिनेते आणि भाजप खासदार सनी देओल यांच्या मुंबईतील जुहू इथल्या बंगल्याच्या लिलाव लागणार होता. पण बँकेने नोटीस मागे घेतल्यामुळे सनी देओल यांना दिलासा मिळाला आहे.

येत्या २५ ऑगस्ट रोजी लिलावाची प्रक्रिया पार पडणार होती. ५६ कोटी रुपये वसूल करण्यासाठी सनी देओल यांचा बंगला बँक ऑफ बरोडाने ब्लॉकवर ठेवला होता. सनी देओल हे डिसेंबर २०२२ पासून बँक ऑफ बरोडाच्या ५५.९९ कोटी रुपयांच्या कर्जाचे थकबाकीदार आहेत. सनी देओल यांच्या बंगल्याचा लिलाव लागला नाही. पण त्यांचं खरं नाव समोर आलं आहे.

सनी देओल या नावाने बॉलिवूडमध्ये स्वतःची ओळख निर्माण करणाऱ्या सनी देओल यांचं खरं नाव अजय सिंग देओल असं आहे. पण बँकेने बंगल्याच्या लिलावाची नोटीस मागे घेतल्यामुळे सनी देओल यांना दिलासा मिळाला आहे. ‘अजय सिंग देओल ऊर्फ सनी देओल यांच्या बंगल्याच्या विक्री संदर्भातील लिलावाची नोटीस काही तांत्रिक कारणांमुळे मागे घेण्यात आली आहे’, असं बँकेनं स्पष्ट केलं .

सनी देओल स्टारर ‘गदर २’ सिनेमाची कमाई

‘गदर २’ सिनेमाने अभिनेत्री अदा शर्मा स्टारर ‘द केरळ स्टोरी’ सिनेमाचा रेकॉर्ड मोडला आहे. तर ‘गदर २’ सिनेमा अभिनेता शाहरुख खान स्टारर ‘पठाण’ सिनेमाचा रेकॉर्ड मोडेल का? हे पाहणं महत्त्वाचं ठरणार आहे. मीडिया रिपोर्टनुसार, शाहरुख खान स्टारर ‘पठाण’ सिनेमाने ५४३.०५ कोटी रुपयांची कमाई केली होती.

२००१ मध्ये प्रदर्शित झालेल्या ‘गदर’ सिनेमाता सिक्वल ‘गदर २’ सिनेमा २०२३ मध्ये बॉक्स ऑफिसवर तुफान कमाई करताना दिसत आहे. यंदाच्या वर्षातील सर्वात जास्त करणाऱ्या सिनेमांपैकी ‘गदर २’ देखील एक सिनेमा आहे. सध्या सर्वत्र सिनेमाच्या कमाईची चर्चा रंगली आहे.