Ileana D’cruz | लग्नविना एका मुलाची आई झाली इलियाना

मुंबई | 6 ऑगस्ट 2023 : गेल्या काही दिवसांपासून अभिनेत्री इलियाना डिक्रुझ तिच्या प्रेग्नेंसीमुळे चर्चेत होती. अभिनेत्री कायम स्वतःचे फोटो पोस्ट करत स्वतःबद्दल चाहत्यांना माहिती द्यायची. आता देखील जीवनातील आनंदाची बातमी अभिनेत्रीने सोशल मीडियाच्या माध्यमातून चाहत्यांपर्यंत पोहोचवली आहे. इलियाना हिने गोंडस मुलाला जन्म दिला आहे. अभिनेत्रीने लेकाचा पहिल्या फोटो पोस्ट करत चाहत्यांना आनंदाची बातमी दिली आहे. सध्या सर्वत्र इलियाना आणि तिच्या खासगी आयुष्याची चर्चा सुरु आहे. अलियाना हिने १ ऑगस्ट रोजी मुलाला जन्म दिला.

पहिल्यांदा आई झाल्यानंतर आनंत व्यक्त करत इलियाना म्हणाली, ‘आनंद व्यक्त करण्यासाठी शब्द अपूरे आहेत. मुलाचं जगात स्वागत केल्यामुळे आम्ही प्रचंड आनंदी आहोत…’ असं अभिनेत्रीने कॅप्शनमध्ये लिहिलं आहे. सध्या सोशल मीडियावर अभिनेत्रीची पोस्ट सर्वत्र व्हायरल होत आहे.

एवढंच नाही तर, इलियाना डिक्रूझने तिच्या मुलाच्या नावची देखील घोषणा केली आहे. इलियाना हिने तिच्या बाळाचं नाव ‘कोआ फिनिक्स डोलन’ असं ठेवलं आहे. इलियानाने तिच्या इंस्टाग्राम अकाउंटवर पोस्ट करताच बॉलिवूड सेलिब्रिटी आणि तिच्या चाहत्यांनी तिचे अभिनंदन करण्यास सुरुवात केली.

अभिनेत्री अथिया शेट्टी, हुमा कुरेशी, डब्बू रतनानी, नर्गिस फाखरी आणि सोफी चौधरी यांच्यासह अनेक सेलिब्रिटींनी हृदयाच्या इमोजीसह इलियाना हिला शुभेच्छा आणि बाळाला आशीर्वाद दिले आहेत. फोटोमध्ये अभिनेत्रीचा मुलागा प्रचंड क्यूट दिसत आहे.

सांगायचं झालं तर, एप्रिलमध्ये इलियाना डिक्रूझने तिच्या प्रेग्नेंसीची घोषणा करून चाहत्यांना आश्चर्यचकित केले होते. लग्नाआधी गरोदर राहिल्यामुळे अभिनेत्रीला ट्रोल देखील करण्यात आलं. पण इलियाना हिने बाळाच्या वडिलांबद्द अद्यापही मौन बाळगलं आहे. पण इलियाना तिच्या गरोदरपणात सोशल मीडियावर जोडीदाराचा फोटो पोस्ट करत कौतुक केले होतं.

इलियाना बॉलिवूडच्या प्रसिद्ध अभिनेत्यांपैकी एक आहे. तिच्या चाहत्यांची संख्या देखील फार मोठी आहे. इलियाना हिने अभिनेता रणबीर कपूर स्टारर ‘बर्फी’ सिनेमाच्या माध्यमातून बॉलिवूडमध्ये पदार्पण केलं. त्यानंतर तिने कधीच मागे वळून पाहिलं नाही. आता बॉलिवूडपासून दूर असली तर, सोशल मीडियावर अभिनेत्री कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे.