स्वरा भास्करचा शाहरुख खानवर गंभीर आरोप, म्हणाली माझे आयुष्य उद्ध्वस्त…

मुंबई : बाॅलिवूड अभिनेत्री स्वरा भास्कर (Swara Bhasker) कायमच वादाच्या भोवऱ्यात अडकते. स्वरा आणि वाद हे समीकरण जुनेच आहे. विषय कोणताही असो स्वरा स्वत: चे मत मांडायला मागे पुढे कधीच बघत नाही. बऱ्याच वेळा कंगना रानाैतशी (Kangana Ranaut) देखील स्वरा सोशल मीडियावर पंगा घेते. आता स्वरा तिच्या एका विधानामुळे चांगलीच चर्चेत आलीयं. यावेळी तिने बाॅलिवूड अभिनेता शाहरुख खानवर एक गंभीर आरोप (Accusation) केलायं. स्वराने शाहरुख खानवर केलेल्या आरोपाचा व्हिडीओ सध्या सोशल मीडियावर प्रचंड व्हायरल होतोयं.

शाहरुख खानवर स्वरा भास्करने केले हे गंभीर आरोप

एका मुलाखतीत स्वराने शाहरुख खानवर मोठा आरोप केलायं. स्वरा म्हणाली की, शाहरुख खानने माझी लव्ह लाईफ खराब केलीयं. स्वराचा हा आरोप ऐकून अनेकांनी भुवया उंचावल्या आहेत. मिडडेला दिलेल्या मुलाखतीमध्ये स्वरा भास्कर म्हणाली की, आदित्य चोप्रा आणि शाहरुख खानमुळे माझे लव्ह लाईफ खराब झाली असून मी तरूण वयात असताना दिलवाले दुल्हनिया ले जायेंगे हा चित्रपट बघितला होता.

स्वरा म्हणाली माझी लव्ह लाईफ खराब झाली…

दिलवाले दुल्हनिया ले जायेंगे चित्रपट बघितल्यापासून मी राजच्या शोधात आहे. मात्र, मला खूप दिवसांनी कळाले की, राजसारखे कोणतेच व्यक्तिमहत्व नाहीयं. मी कितीतरी दिवस माझ्या आयुष्यात राजला शोधत होते. यामुळे मी लव्ह लाईफमध्ये खूप हॅपी नव्हते. सिंगल लाईफ जगणे खूप कठीण असून जोडीदार शोधणे देखील अवघड आहे, असे स्वरा भास्करने मुलाखतीमध्ये सांगितले.